वाडट्यो चोरयो – INCREASED ROBBERY CASES

सरीता देसाय,

घर नं. 15,

‘राधा निवास’ आगोंद,

काणकोण, गोंय.

10 सप्टेंबर 2024

सेवेक,

पुलीस अधिक्षक,

काणकोण, गोंय.

विशय – वाडट्या चोरयांचेर आळाबंद हाडचे खातीर.

भोवमानेस्त

हांव सरीता देसाय, आगोंद गांवचें एक जागरूक नागरीक. हे चिटी वरवीं तुमकां कळीत करूंक सोदतां, आमच्या गांवांत हालींसराक चोरयांचें प्रमाण खूब वाडलां. तांचो वेळार बंदोबस्त करचो म्हूण तुमचे लागीं मागणी करतां.

फाटल्या कांय दिसां सावन आमच्या गांवांत चोरयांचें प्रमाण वाडत आसा. गांवचे लोक कामां-धंद्या निमतान घरा भायर सरतात आनी भुरगीं शाळा-कॉलेजींनी गेल्लीं आसतना चोरयो जावंक लागल्यात. आतां तर चवथीचे दीस. लोक आप-आपल्या गांवांनी गेल्ले आसात. तेन्ना चोरांचें आयतेंच फावलां. राती वेळार जीव मुठींत घेवन न्हिदचें पडटा. केन्ना दार फोडून वा जनेलां तोडून चोर भितर सरत हाचो नेम ना. हे चोर पयशे, भांगर आनी मोलादीक वस्तू घेवन पळ काडटात. तांचे मुखार दोन हात केल्यार ते आमचो जीव घेवंक फाटीं-फुडें पळोवचें नात, इतलें मात खरें. हुसक्यान आमकां न्हीद पडना जावन भलायकी इबाडूंक लागल्या.

तुमी जाता तितले बेगीन आमच्या वाठारांत दिसाची तशीच रातची पुलीस गस्त दवरची म्हूण नमळायेची मागणी करतां.

बरें मागून.

तुमचें विश्वासू,

सय

(सरीता देसाय)

CONTRIBUTED BY H. MANOJ