(Please click on the riddle to get the answer / उमाण्याचेर क्लिक करून जाप मेळोवची.)
अक्कड पक्कड तांबे भाण, बत्तीस रुखांक एकूच पान.
– तोंड, दांत आनी जीब
आरतून परतून बांदलो बरो, कोण पारकिता ताका कट्टीभर सोरो.
– शेणो
आपय नासतना लागीं येता, दुखय नासतना किळांच मारता.
– जळार
आपलें आंग आपल्याक दिसना.
– दोळो
आब्बा म्हणल्यार लागता, अरे म्हणल्यार लागना.
– ओंठ
इल्लोसो पोर, माडार चडोवंक थोर.
– हुमील
इल्लीशी सुरी, मातयेंत पुरी.
– हळद
एक काळींग, ताका बारा शिरो आनी साठ बिंयो.
– घडयाळ
एका झाडार कोळशेच कोळशे.
– जांबळां
एका झाडार कोयतेच कोयते.
– चींच
एक दीस जेवल्यार आठ दीस काम करता.
– पेन
एक व्हडलें घर, उलो मारल्यार कोण जाप दिना.
– शिमित्री
एक सुकणें, घर राखणें.
– कुलूप
एके बाटलेंत दोन कोराचे रंग.
– तांतीं
कुमामभर कळे राजाच्यान गुंथू नजो, राणयेच्यान माळूं नजो.
– मळबांतलीं नखेत्रां
गाय धांवता, दूद ओत्ता.
– दातें आनी पीठ
घाटा वयल्यान आयलो बुकलो आनी धवें धवें ओंकलो.
– पणस
झाडार फळ, फळार झाड.
– अनस
दुसर्यांक दिता तरी तुवेंनूच दवरूंक जाय.
– उतर
देंठ नाशिल्लें फळ.
– तांतीं
दोंगरा वयरसून आयलो जोगी सात कामरणां घेवन न्हिदला ओगी.
– कांदो
ताका धोंगसुपी कोण ना पूण तो पिंर्गुचो सोडिना.
– दुकर
तुवें उगडलें, हांवें पळयलें.
– तोंड
तीन माथें, धा पांय, माती खावन मुखार वता.
– नांगर
तीन पांयांचो तिकलो घोडो, ताचेर बसला काळो चेडो, हांसता पूण उलयना.
– चूल आनी तवो, उजो
तिरपो दोळो, कोट काळो, खाणाचेर मात हाचो सदांच दोळो.
– कावळो
तिरी तिरी तीन पाना, तिरी गेलो वयल्या रानांत, तिरी कोणाक भियेना.
– आर्म
तोंड आसा जीब ना, पोट आसा रगत ना, उस्वास आसा जीव ना.
– बोमाडो
फातरार नाचता, सरयेर लांबता.
– कपडे
बापूय खरखरीत, आवय बुळबुळीत, भुरगीं गुळगुळीत.
– पणस
बुराकांत तकली आनी हातांत शेंपडी.
– बुडकुलो आनी दवलो
मांय मरता आनी पूत जाता.
– केळमो
ये ये बाजारांत या, म्हज्या सारकें, तुज्या सारकें बाय हाडुया.
– हारसो
येदोसो चेडो, व्हडलो पदर न्हेसोता.
– सूय
येदोसो पोर, घर राखूंक थोर.
– कुलूप
येता बिलू, वता बिलू, बिलूची नाडी कळमेल्या.
– फेरीबोट
राजाच्यान मेजूंक जायना, राणीच्यान गुतूंक जायना
– नखेत्रां
विलुदाचे पोतयेंत भांगराचीं लिब्रां.
– मिरसांग
सुपभर ल्हायो आनी तातूंत एकूच रुपया.
– चंद्रीम
हात आसा, पांय ना, पोट फोडल्यार भितर काय ना.
– शर्ट
हांव फूल, हांव फळ आनी हांव मिठायी, सांगात हांव कोण?
– गुलाबजाम