जल्लो एक जल्लो जल्लो चल्लो बिस्कुटीच्या पुड्यार चल्लो बिस्कूट खाली कूर कूर कूर खोशयेन उडलो फूर फूर फूर - डॉ. मनोहरराय सरदेसाय
एक आसलो गोरिल्ला तो गेलो बंगाला आपल्या बारा पोरां खातीर हाडले तेरा रोशगुल्ला - डॉ. मनोहरराय सरदेसाय
सुकण्या पिला गो तूं रडटा कित्याक सांग घसा घसा झडटा पावस भिजलें म्हजें आंग सुकण्या पिला गो तूं हांसता कित्याक सांग भांगर कशें पडलां वोत भांगर कशें पडलां वोत भांगर जालां आंग. - डॉ. मनोहरराय सरदेसाय
एक आसली गाय तिका मेळ्ळें बाय गाय म्हणटा, "बाय म्हाका घरा व्हरून पाय" - डॉ. मनोहरराय सरदेसाय
बिटी बिटी दोळे आनी पिटी पिटी पांय किटी किटी हांसो जशी गोरी गोरी ल्हाय अशें म्हजें बाय बाये अशें म्हजें बाय - डॉ. मनोहरराय सरदेसाय
कांसवा म्हज्या काका बेगी बेगीन चल सोंसो कसो धांवता पळय पळ पळ पळ सोंसो पिसो न्हिदलो कांसव काका चल्लो पिंपळां मुळांत सगल्यां आदीं कांसव काका पावलो - डॉ. मनोहरराय सरदेसाय
कांगारू रे कांगारू नाका ताका धरूं ताच्या बोल्सांत बसला पळय ताचो धाकटो पोरू - डॉ. मनोहरराय सरदेसाय
नाच रे मोरा, नाच रे मोरा नाच नाच नाच हांस रे बाबू, हांस रे बाबू हांस हांस हांस - डॉ. मनोहरराय सरदेसाय
आयक रे बाबू सांगतांट बायन केल्या ताता. - मुकेश थळी
बाबू, पयलीं दी पापी जाल्यार दितलों पिपी. - मुकेश थळी
दर्या वयलें तारूं आलतडसून पलतडी भरतां लोकांच्यो राशी ओत्तां लोकांच्यो राशी दर्या वयलें तारूं आलतडसून पलतडी - प्रणिता रेडकर
बाबू पिता दुदू सुरू सुरू सुरू माकड खाता पापड कुरू कुरू कुरू दर्यार धांवता तारूं तुरू तुरू तुरू - डॉ. मनोहरराय सरदेसाय
पावस मळब जाता गडाम गुडूम खेळटा म्हातारी तुडूम तुडूम विजेच्या फातरांनी गडाम गुडूम म्हातारी खेळटा तुडूम तुडूम मळब जाता गडाम गुडूम - प्रणिता रेडकर
एक आसा बाबू बाबून घेतलो शाबू शाब्बान काडलो फेंस बाबून धुलो लेंस. - मुकेश थळी
उडकी मारून आयलें बिलू पियेलें कपांतलें हून दुदू शुटू, शुटू, शुटू, शुटू बिलूचे जिबेक जालो भुभू. - मुकेश थळी
मस्तोच हो बाबय गांव ताचो सावय कडक ताची आवय बाबय गेलो मुंबय थंयच्यान थेट दुबय आईन काडली तापय. - मुकेश थळी
गुलगुलीत बाबू, सोबीत बाय तांचीच चलल्या अपुरबाय सगळींच करतात तोखणाय कुकुल्यांची तांकां व्हडविकाय. - मुकेश थळी