SAMPLE 1
LETTER HEAD
क्र. 6/1/RTI/ 279/2025/ तारीखः- 29/08/2025
सेवेक,
श्री. निनाद सावळ,
रावपी लक्ष्मी विला,
विजयनगर,
कोळवाळ, बार्देश-गोंय
विशय: माहिती हक्क अधिनेम अधिनेम, 2005 अंतर्गत अर्जाक जाप.
संदर्भ: अर्ज क्र. 1/20/2025 तारीख 08/08/2025, आवक नोंदणी क्रमांक 21988.
नमस्कार,
वयर उल्लेख केल्ल्या अर्जा संदर्भांत, तुमकां अशें कळीत करतां की, परिच्छेद 1, 5 आनी 6 हातूंत तुमी मागिल्ली माहिती, ह्या कार्यालयांतल्यान, कामाच्या खंयच्याय दिसा, सकाळच्या सत्रांत म्हणल्यार सकाळीं 9.30 ते दनपरां 1.00 वरां मेरेन, रू. 100/- (शंबर रुपया) ह्या आवश्यक शुल्काची फारीकणी करून तुमी मेळोवंक शकतात. तुमी मागिल्ले माहितीची फोटोकॉपी काडूंक रू. 2 x 50 प्रती प्रमाणें 100 रुपया मोल जाता.
परिच्छेद 2, 3 आनी 4 हातूंत मागिल्ली माहिती, ह्या जिल्लोधिकारी कार्यालयाच्या, नागरी प्रशासन विभागा संबंदीत आसा, ती पणजेच्या उत्तर गोंय जिल्लोधिकार्याच्या, आस्थापन विभागाच्या, भौशीक माहिती अधिकारी कडेन कलम 6(3) अंतर्गत तारीख 10/08/2025 दिसा टिपणा वरवीं (प्रत जोडल्या) हस्तांतरीत केल्या. ताका लागून, परिच्छेद 2, 3 आनी 4 हातूंत मागिल्ली माहिती वयर उल्लेखीत विभागा कडल्यान मेळोवची.
हें तुमचे माहिती खातीर आसा.
तुमचो विस्वासू,
(परेश नायक)
भौशीक माहिती अधिकारी
न्यायीक विभाग,
उत्तर गोंय जिल्लोधिकारी, पणजी-गोंय.
संलग्न- वयर दिल्ले प्रमाणें.
प्रती,
- कार्यालयीन फायल
- गार्ड फायल