साहित्य

2 वाटयो सुकी सुंगटां

3/4 चमचें तेल

2 कांदे

3/4 हरवी मिरसांग

1/4 वाटी आंबटाणीचें उदक

1/4 चमचो हळदीचो पिठो

1/2 चमचो मीठ

थोडी ओली कोथमीर

1 वाटी नाल्लाची सोय.

कृती

सुंगटांचे पांय, गळे काडून बरी धुवन तव्यार कुरकुरीत बाजून घेवप वा लीप करून धुवन किसमूर करपा येता (आवडी प्रमाणें). तयार सुंगटां कुशीक दवरून आंबटाण अर्दकप उदकांत फुगत घालप. मुखार कांदो, हरवी मिरसांग कोथमीर चिरून दवरप.

मागीर किसमूर करपाक गॅसार कायल दवरून तातूंत तेल घालप. तेल तापताच तातूंत चिरिल्लो कांदो बरो तळसून घेवप. कांदो बरो तांबसो जायसर तळसप. उपरांत तातूंत हळद, सोय, मिरची, मीठ, सुंगटां आनी आंबटाणीचें उदक घालून पांच मिणटां बरें मिस्तूर करून  घेवप. निमणे चिरिल्ली कोथमीर घालून गॅस बंद करप. जेवणा वेळार चमचमीत कुसकुशीत किसमूर गरम –  गरम शीत हुमणा बरोबर रुचीन खावपा येता.

अतिशा सुर्लीकार