तूं रूपाली / रुपेश सावंत, रावता, नगर, प्रियोळ – गोंय ह्या नाम्यार. ह्या वाठारांत लायटीचे दिवे पेटनात देखून फावो तो उपाय घेवपाची विनवणी करपी चीट ग्रामपंचायतीच्या सरपंचाक बरोवची.

रूपाली सावंत 

नगर- प्रियोळ,

म्हाड्डोळ, गोंय.

तारीख – 15/15/2021

सेवेक,

सरपंच,

वेलींग प्रियोळ कुंकळयें ग्रामपंचायत,

प्रियोळ, गोंय.

विशय – लायटीचे दिवे नाशिल्ल्यान लागून जावपी त्रास.

भोवमानेस्त,

नमस्कार,

हांव नगर, प्रियोळांत रावतां. आमच्या वाठारांत राती कडेन लायटीच्या खांब्यांचे दिवे जे आदीं पेटयताले ते हालीं पेटनात. 

एक म्हणजे बल्ब वा ट्यूब लायटी गेल्यात आसूं येता वा आनीक कसलो तकनीकी इबाड वायरींनी जालां आसूं येता. नाजाल्यार लायटी पेटोवपाकूय कोण ना अशेंय आसूं येता.

राती कडेन लायट नाशिल्ल्यान वाड्या वयल्या लोकांक बरेच त्रास जातात. कांय सुवातांनी फोंडकुलांय आशिल्ल्यान स्कूटरवाले निसरून पडिल्ल्याच्यो घडणुको घडल्यात. 

विजेच्या खांब्याच्यो लायटी राती कडेन फाटले दोन म्हयने कित्याक पेटनात ताचीं कारणां सोदून काडून ते दिवे परत पेट्टले हाची तजवीज करची ही तुमकां विनंती.  

ही लोकांची समस्या मतींत घेवन तुमी बेगोबेग कृती करतले अशी आस्त बाळगितां.

बरें मागून,

तुमचो विस्वासू,

-सय-

(रूपाली सावंत)