तूं सलमा / सलमान खान, रावता बी-3, पौर्णिमा अपार्टमॅण्ट, महालक्ष्मीनगर, तळावली, फोंडें-गोंय ह्या नाम्यार. गांवच्या रस्त्यांक पडिल्लीं फोंडकुलां सारकीं करपा विशीं भौशीक बांदकाम खात्याच्या कार्यकारी अभियंत्याक चीट बरयात.

सलमा खान,

बी-3,

पौर्णिमा अपार्टमॅण्ट,

महालक्ष्मीनगर,

तळावली, फोंडें-गोंय.

तारीख – 01/01/2021

सेवेक,

कार्यकारी अभियंतो,

भौशीक बांदकाम खातें,

फोंडें-गोंय.

विशय – रस्त्यांक पडिल्लीं फोंडकुलां सारकीं करपा संदर्भांत.

भोवमानेस्त,

नमस्कार

हांव सलमा खान, तळावळी फोंडें हांगा रावपी. गांवच्या रस्त्यांक पडिल्लीं फोंडकुलां विशीं कागाळ करपा खातीर ही चीट बरयतां.

तळावले वाठारांतल्या रस्त्यांक फोंडकुलां पडल्यांत आनी ताचो त्रास लोकांक भोगचो पडटा देखून ही कागाळ करतां. फोंडकुलांक लागून वाहनांचे अपघात जावपाचें प्रमाण वाडलां. मोटारसायकलीं, स्कूटरीन वचपी वाहनचालकांक हाचो खूब त्रास जाता. खडबडीत रस्तो आनी फोंडकुलां खातीर तांचो वाहना वयलो ताबो वता. वाहनांचें बरेंच लुकसाण जाता. ते भायर अपघात जाल्ल्यान दुखापत जाता आनी लोकांक हॉस्पिटलांत वच्चें पडटा. कामाक वता आसतना जीव मुठींत धरून प्रवास करचो पडटा. आतां पावस लागीं पावला आनी पावसांत लोकांचें चड हाल जातात. फोंडकुलांनी वाहनां पडिल्ल्यान मातयेचें सगळें उदक कपड्यांचेर उसळटा आनी कपडे म्हेळें जातात.

आमची ही अडचण लक्षांत घेवन रस्त्याचे दुरुस्तीचें काम तुमी बेगिनात बेगीन हातांत घेवचें आनी काम बेगीन पुराय करून आमचें हाल उणें करचे अशी तुमकां नमळायेची विनवणी. तुमी आमची परिस्थिती समजून घेतले आनी हाचेर बेगीन उपाय काडटले अशी आस्त बाळगितां.

बरें मागून.

तुमचें विस्वासू,

(सय)

सलमा खान

Contributed by Poonam Burye