तूं पवन / पवनी काणकोणकार, रावता पैंगीण, काणकोण, गोंय ह्या नाम्यार. ह्या वाठारांत रस्ताद गोरवांक लागून घडपी अपघातांचेर बेगोबेग उपाय करचो अशी मागणी करपी चीट थळावे पंचायतीक बरोवची.
पवनी काणकोणकार,
पैंगीण,
काणकोण, गोंय.
तारीख – 01/01/2021
सेवेक,
सरपंच,
पैंगीण ग्रामपंचायत,
पैंगीण, काणकोण, गोंय.
विशय – रस्ताद गोरवांक लागून जावपी अपघाताचेर उपाया विशीं.
भोवमानेस्त
नमस्कार
पैंगीण वाठारांत रस्त्याचेर गोरवां भोंवपाचें प्रमाण मोट्या प्रमाणांत वाडलां. ताचेर उपाय घेवचो ही विनंती करपी चीट बरयतां.
रस्त्याचेर कांय सुवातींनी गोरवां बशिल्लीं दिसतात. हाका लागून येरादारीक त्रास जाता तशेंच अपघातूय जातात. पैंगीण बाजारांत अशीर रस्ते आसात आनी तातूंत हीं गोरवां रस्ते आडावन बसतात. वाहन चालकांक वाहन चलोवपाक सामकी आडखळ जाता. बाजाराच्या दिसांनी तर चलपाक लेगीत मेळना.
रस्त्यावेल्या ह्या गोरवांच्या मालकांक पंचायती वतीन नेमांचें पालन करपाची सक्त ताकीद दिवपाक जाय. पोशिल्लीं जनावरां रस्त्यार सोडिनासतना तांकां वेवस्थीत जागो दिवचो अशी विनवणी तुमचे कडेन करतां. जर हीं गोरवां बेवारशीं आसात जाल्यार पंचायतीन तांकां ताब्यांत घेवन तांच्या निवासाची वेवस्था करची अशेंय तुमचे लागीं मागता.
बरें मागून.
तुमचें विस्वासू,
-सय-
(पवनी काणकोणकार)
Contributed by Poonam Burye