साहित्य

7 – 8 भेंडे

1/2 वाटी सोय

2 – 3 सोलां

1/4 चमचो मीठ

चिमटीभर साकर 

1 चिरिल्लो कांदो 

1 हरवी मिरसांग

1 कप उदक

कृती

भेंडे धुवन चिरून घेवप. कांदो, हरवी मिरसांग चिरून तयार दवरप. मागीर गॅसार कायलींत वा तोपांत कांदो तळसूंक घालप. कांदो तळसून जाताच तातूंत चिरिल्ले भेंडे, मीठ, साकर, सोलां, सोय, चिरिल्ली हरवी मिरसांग आनी एक कप उदक घालून भाजी बरी चाळून धा मिणटां गॅसार शिजोवप. भाजयेक आमसाण येवपाक तशेंच भेंड्याची बुळबुळसाण कमी करपाक सोलांचो वापर करतात. प्रमाणा परस भाजयेंत चड सोलां वापरल्यार, भाजी शिजतात सोलां काडून उडयल्यार भाजयेक जास्त आमसाण चडना.

सणां परबांक सामकी अनवाळी भेंड्याची भाजी करपा आसल्यार कांद्याचो वापर करिनासतना गॅसार कायल वा तोप दवरून एक चमचो तेल गरम करून घेवचें. तेल गरम जाताच सांसवां, हिंगाचें फोण्ण मारून तातूंत चिरिल्ले भेंडे मिस्तूर करून घेवचे. हेर कृती तश्याक तशी उरता. तातूंत कांयच बदल जायना.

अतिशा सुर्लीकार