साहित्य 

4 ते 5 तोरां

7 ते 8 हरवी मिरसांग

1/2 किलो गोड

1 चमचो मिरसांगे पिठो

1 चमचो हळदीचो पिठो

1 चमचो मीठ 

1 चमचो सांसवां

1/2 चमचो मेथी 

10 मिरयां

1 चमचो तेल

1 कुडको हिंग शंकरछाप वा शंकरछाप हिंग नासल्यार 1/4 चमचो हिंगाचो पिठो वापरूं येता.

कृती

तोरां तासून चिरून बरीं धुवन घेवचीं. धुल्लीं तोरां एक कप उदक घालून गॅसार शिजपाक दवरचीं. तोरां शिजता म्हळ्यार गोड तासप आनी कायलेंत मेथी फुलोवन कुशीक दवरचें. मागीर तेच कायलेंत तेल घालून सांसवां, मिरयां, हिंग वेगवेगळीं हुनारून घेवचें. फुलयल्ली मेथी, सांसवां, मिरयां, हिंग वानार कुटोवन पूड करची. पिठो तयार जाताच शिजिल्ल्या तोरांनी किशिल्लें गोड घालून चाळचें. रुचीपुरतें मीठ, मेथी, सांसवां, हिंग, मिरयांची पूड घालून बरें मेल जायसर चाळीत रावचें. गोडाचो मातसो चिकट पांक जाताच गॅस बंद करचो. गोड लोणचें न्हिवताच कांचेच्या आचांवांत भरून दवरल्यार वर्सभर लोणच्याचो आस्वाद  गरम – गरम चपाती वा फुलक्यां बरोबर घेवं येता. 

अतिशा सुर्लीकार