साहित्य –

2 चमचे तेल

1 चमचो सांसवां

एक बारीक चिरिल्लो कांदो

2 हिरवी मिरसांग

चिमूटभर हळद

बारीक चिरिल्ली तांबडी भाजी

1/3 कप सोय

रुचीपुरतें मीठ

जाय तितलें उदक

कृती – एका तोपांत तेल गरम करून घेयात आनी मागीर तातूंत सांसवां घालचीं. सांसवां पुटपुटले उपरांत तातूंत कांदो घालचो आनी तळसून घेवचो. कांदो शिजल्या उपरांत तातूंत मदीं कापिल्ली हरवी मिरसांग घालची. कांदो शिजल्या उपरांत तातूंत हळद आनी चिरिल्ली तांबडी भाजी घालची. इल्लेशें उदक घालचें आनी तोप धांपून भाजी शिजोवची. भाजी शिजत येता तेन्ना तातूंत सोय घालची. रुचीपुरतें मीठ घालचें आनी तोप धांपून भाजी परत शिजोवची. तांबडी भाजी तयार.