साहित्य 

ल्हान पणसाचे हरवे गरे 

1/4 चमचो हळदीचो पिठो

1/4 चमचो मीठ 

½ लिटर तेल

कृती

हरव्या पणसाचे गरे काडून तातूंतलीं भिकणां वेगळावप. गरे बरे लांब चिरून मीठ, हळद लावन मिस्तूर करून 10 मिणटां कुशीक दवरप. उपरांत गॅसार कायल दवरून तातूंत तेल घालून गरम जावपाक दवरप. तेल तापतांच गरे गरम तेलांत बरें तळून घेवप. भांगराळो कोर येतासर गरे तेलांत आरतून परतून घेवप. जसो गर्‍यांक भांगराळो कोर आयलो तसो झार्‍यान गरे गाळून ताटांत दवरूं येता. उपरांत न्हिविल्ले गरे गच्च कांचेच्या आचांवान भरून पावसा तेंपार वा हेर दिसांनी गरम गरम च्या बरोबर करकरावन खावं येता. गरे चड प्रमाणांत करून ते वेवस्थीत दवरल्यार तळिल्ल्या गर्‍यांचो आमी वर्सूयभर आस्वाद घेवंक शकतात.

अतिशा सुर्लीकार