तूं निशा / निलेश नायक, रावता पुंडलीक नगर, दिवचल, गोंय ह्या नाम्यार. ह्या वाठारांत जळारांचो खूब त्रास जाल्ल्यान फावो तो उपाय घेवपाची विनवणी करपी चीट नगरपालिकेच्या नगराध्यक्षाक बरोवची.
निलेश नायक
पुंडलीक नगर,
दिवचल, गोंय.
तारीख – 01/01/2021
सेवेक,
नगराध्यक्ष,
दिवचल नगरपालिका,
दिवचल, गोंय.
विशय – जळारांक लागून जावपी त्रास.
भोवमानेस्त,
नमस्कार,
हांव पुंडलीक नगर, दिवचल हांगा रावपी. आमच्या वाठारांक जळारां खूब वाडल्यांत. ताचो त्रास सगळ्यांकूच जावपाक लागला. पावसाचे दिसूय लागीं पावल्यात. ते खातीर पावसा दिसांनी जळारां पसून मलेरिया आनी हेर साथीची दुयेंसां पसरचीं न्हय म्हूण तुमी बेगिनात बेगीन जळारांचे हे समस्येचेर उपाय घेवचे अशी तुमकां नमळायेची विनवणी करतां.
ह्या वाठारांत जळारांचो फैलाव जाला. कांय लोकांक मलेरिया दुयेंस जालां. बरेंच कडेन उदक सांठोवन उरलां. तें पयलीं नितळ करपाची गरज आसा. लोकां मदीं जागृताय घडोवप आनी नितळसाणेचें म्हत्व पटोवन दिवप तितलेंच गरजेचें आसा. हे परिस्थितीक लागून लोकांचे भलायकेक धोको उप्रासला. देखून जळारांचेर उपाय म्हूण बेगीन वखदांची फवारणी करून ह्या जळारांच्या त्रासांतल्यान आमची सुटका करची. वाठारांतल्या लोकांक तशेंच बिल्डरांक नेम पाळपाची शिटकावणी दिवची अशें तुमचे लागीं मागता.
आमची अडचण लक्षांत घेवन तुमी रोखडीच कारवाय करतले अशी आस्त बाळगितां.
बरें मागून.
तुमचो विस्वासू,
-सय-
(निलेश नायक)
Contributed by Poonam Burye