साहित्य

1 किलो चिकन (बारीक कुडके केल्लें)

10 लसणी पाकळ्यो

2 इंच आलें

1 वाटी कोथमीर

4 हिरवी मिरसांग

1 ल्हान चमचो हळद

1 वाटी सोय

1 मोटे कांदे बारीक चिरिल्ले

3 तिखी (2 इंच)

2 दालचिनी

1 चिमटीभर जायफळ पूड

2 चमचे सुकी कोथमीर

8 काश्मिरी मिरसांग

अर्दो ल्हान चमचो बडीशेप

1 ल्हान चमचो खसखस

1 जायपत्री

2 चमचें तूप

4 चमचें तेल

रुचीपुरतें मीठ

कृती

बारीक कुडकें केल्ल्या चिकनाक मीठ लावन दवरचें. कोथमीर, आलें, लसूण आनी हळद हांची पेस्ट करून घेवची. ही पेस्ट चिकनाक लावन वरभर दवरचें. एका तोपांत तेल घालचें, तातूंत कांदो तळसून घेवचो. उपरांत सोय तळसून घेवची. कांदो आनी सोयेचो रंग बदल्ल्या उपरांत एका आयदनांत काडून थंड जाल्या उपरांत वांटून घेवचो. त्याच तोपांत तेल घालून काश्मिरी मिरसांग भाजून घेवची. एका आयदनांत काडून दवरची. उपरांत त्याच तोपांत तिखी, दालचिनी, जायफळ पूड, सुकी कोथमीर, बडीशेप, जायपत्री आनी खसखस भाजून घेवचें. तातूंत भाजून घेतिल्ली मिरसांग घालची. थंड जाल्या उपरांत मिश्रण वांटून घेवचें. तातूंत सोय आनी कांद्याचें मिश्रण वांटून घेवचें.

एका व्हड तोपांत तूप घालून तातूंत कांदो तळसून घेवचो. उपरांत तातूंत चिकन घालचें आनी 5 मिणटां शिजोवन घेवचें. वांटिल्लें मिश्रण तातूंत घालचें आनी 15 ते 20 मिणटां शिजोवन घेवचें. जाय जाल्यार उदक घालून शागोती पातळ करची. ही शागोती चपती, पावाक लावन खातात. दुसर्‍या दिसा ही शागोती आनीक रुचीक लागता. रस आमलेटाक शागोतीचो रस वापरतात. शागोतीच्या रसांत आमलेट आनी इल्लो कांदो घालून खावं येता.