साहित्य

7-8 गोठां

1/4 कील गोड (गोडसाण जाय तितलें गोड वापरूं येता.)

1/4 चमचो मीठ

5-6 सुक्यो मिरसांगो

1/4 चमचो हळदीचो पिठो 

1/4 मिरसांगे पिठो (सांसवाक तांबसो कोर जाय जाल्यार मिरसांगेचो पिठो वापरूं येता वा काश्मिरी मिरसांगेचो वापर करूं येता.)

1 नाल्लाची सोय

चिमटी भर हिंग

1/4 चमचो सांसवां 

1 चमचो तेल

1/2 कप उदक

कृती

गोठां उदकांत बरीं धुवन सोलून घेवचीं. मागीर काथे कुशीक दवरून फोण्णाची तयारी करची (काथे म्हळ्यार साल काडलेलीं गोठां). गॅसार तोप बरो हुनारून घेवप तातूंत तेल घालचें. तेलान चिमटीभर हिंग घालून सांसवां फोण्णाक घालचीं. सांसवां बरीं पुटपुट्टाच तातूंत काथे शिजपाक घालचे. काथ्यांनी अर्दकप उदक घालून पांच – धा मिणटां शिजोवन घेवचें. काथे शिजता म्हळ्यार वांटण तयार करचें. सोय, हळदीचो पिठो, मिरसांगे पिठो, सुक्यो मिरसांगो अर्दकप उदक घालून वांटण मिक्सरांत वांटून घेवचें. जशे काथे शिजले तशे तोपांत वांटण, गोड, मीठ घालून सगळें मिश्रण एकजीव करचें. परत तीन – चार मिणटां सांसवाक बरो खतखतो काडचो. सांसवाक खतखतो येताच गॅस बंद करचो. सांसव तयार जाताच चमचमीत गोड तिखट सांसव जेवणा बरोबर वा बेठेच प्लेटीर घेवन ताचो आस्वाद घेवं येता.

अतिशा सुर्लीकार