आर्ची नोरोन्हा, घर क्र. 650, अन्साभाट, म्हापशें, बार्देस हांगा सावन खाजगी बसकार विद्यार्थ्यांक बसींत घेनात अशी कागाळ करपी चीट पणजेच्या येरादारी खात्याच्या संचालकाक करची.

आर्ची नोरोन्हा,

घर क्र. 650,

अन्साभाट,

म्हापशें, बार्देस, गोंय.

तारीख – 01/01/2021

सेवेक,

येरादारी संचालक,

येरादारी खातें,

पणजी – गोंय.

विशय – खाजगी बसकार विद्यार्थ्यांक बसींत घेनात म्हूण कळीत करपा विशीं.

भोवमानेस्त

नमस्कार

हांव अन्साभाट, म्हापशें रावपी एक विद्यार्थी. कॉलेजींत वतना आमकां खाजगी बसकार बसींत घेनात. हाचेर तुमी उपाय काडचो अशी विनंती करपी चीट हांव अन्साभाट म्हापशेंच्या सगळ्या विद्यार्थ्यांचे वतीन बरयतां.

आमी सकाळीं 8 वरांचेर कॉलेजीक वचपाक बस थांब्याचेर रावतात. तेन्ना खाजगी बसकार हेर प्रवाश्यांक बसींत घेतात पूण आमी अर्दी तिकेट दितात म्हणून आमकां बसींत चडपाक दिनात. बस थांब्याचेर बेगीन पावन लेगीत आमकां कॉलेजींत बेगीन पावपाक मेळना. शिकयिल्लो अभ्यास आमकां चुकता आनी आमचें लुकसाण जाता. कॉलेजीक आमी वेळार पावची म्हूण ह्या वाठारांत एक कदंबा बस घालची ना जाल्यार ह्या खाजगी बसवाल्यांचेर कारवाय करून तांकां नेमांचें पालन करपाचो आदेश दिवचो अशी तुमकां नमळायेची विनंती करतां.

विद्यार्थ्यांची ही समस्या तुमी समजून घेतले आनी खाजगी बसकारांक योग्य उतरांनी समजायतले आनी आमचो प्रवास सुखदिणो करतले अशी आस्ता बाळगितां.

बरें मागून.

तुमचें विस्वासू,

-सय-

आर्ची नोरोन्हा

Contributed by Poonam Burye