सकयल कांय वाक्यां दिल्यांत, तीं वाचात –

कायतान जेवता.

भुरगे खेळटात.

राजन पेंवता.

राणी रंगयता.

जाणटेली चलता.

चलो रडटा.

क्रियापद म्हणल्यार कितें?

पयल्या वाक्यांत कोण जेवता? हो प्रस्न विचारल्यार जाप मेळटा कायतान जेवता.

दुसर्‍या वाक्यांत कोण खेळटा? हो प्रस्न विचारल्यार जाप मेळटा भुरगे खेळटात.

तिसर्‍या वाक्यांत कोण पेंवता? हो प्रस्न विचारल्यार जाप मेळटा राजन पेंवता.

चवथ्या वाक्यांत कोण रंगयता? हो प्रस्न विचारल्यार जाप मेळटा राणी रंगयता.

पांचव्या वाक्यांत कोण चलता? हो प्रस्न विचारल्यार जाप मेळटा जाणटेली चलता.

सव्या वाक्यांत कोण रडटा? हो प्रस्न विचारल्यार जाप मेळटा चलो रडटा.

                जेवता            खेळटात

                पेंवता            रंगयता

                चलता            रडटा

हातूंतलें दर एक उतर कोण कितें करता तें सुचयता.

अशा उतरांक आमी क्रियापद म्हणटात.

क्रियापद वाक्य पुराय करता तेंच प्रमाण तें वाक्यांत शेवटाक येता.

क्रियापदाची व्याख्या

कोणूय वा कितेंय जें करता, जे अवस्थेंत ते आसता वा तिचें जें घडटा तें उकतावपी उतराक आमी क्रियापद अशें म्हणटात.

अभ्यास

सकयल कांय वाक्यां दिल्यांत तातूंतलें क्रियापद सोदून बरयात.

1. मनिष जमीन खणटा.     

जाप – क्रियापद – खणटा

2. आरे, तूं कोयर खंय उडयता?

3. म्हजो भाव अभ्यास करता.

4. तो भुरगो पुस्तक वाचता.

5. सुणो जोरान भोंकता.

6. शेजारी पयलीं धांवन येतात.

7. राकेश पर्यावरण इबाडटा.

8. रेखा पद गायता.

9. आवय भुरग्यांक शिकयता.

10. राकेश आंब्याची वाट पळयता.

Contributed by H. Manoj