(हो निबंद विद्यार्थ्यां खातीर फकत एक नमुनो. हो निबंद तश्या तसो घेवचो न्हय.)

          गोंय हें भारताच्या अस्तंत-दक्षीण दर्यादेग वाठारांतलें एक ल्हानशें राज्य आसा. अरबी दर्या तेंकूनच आशिल्ल्यान गोंयांत जायत्यो दर्यावेळो आसात. उण्यांत उण्यो 40 दर्यावेळो गोंयांत आसात. ल्हान-सान दर्यावेळो सोडून. गोंयची सगल्यांत लोकप्रीय दर्यावेळ म्हणल्यार कळंगूट. हाचे भायर कोलवा, मिरामार, मोरजें, पाळोळें ह्यो हेर कांय फामाद दर्यावेळो.

          म्हाका कळंगूट दर्यावेळ खूब आवडटा. खूब ल्हान आसतनाच्यान मे म्हयन्याचे सुटयेंत आमी कळंगूट दर्यावेळेर पांय बुडोवपाक वतालीं. ही दर्यावेळ गोंयची राजधानी पणजे सावन 16 मैलाच्या अंतराचेर आसा. हे दर्यावेळेक ‘गोंयच्या दर्यावेळेंची राणी’ अशें म्हणटात. हे दर्यावेळेक पयलीं ‘कोळी गुट्टी’ म्हळ्यार नुस्तेकारांची जमीन ह्या नांवान वळखताले. पुर्तुगेजांनी हें नांव बदल्लें आनी नांव बदलून ताका कळंगूट हें नांव दवरलें. हे दर्यावेळेर नाल्लाचीं झाडां खूब पळोवंक मेळटा. हीं झाडां थंयची सोबीतकाय आनीक वाडयता.

ऑक्टोबर ते मे म्हयन्या मेरेन कळंगूट दर्यावेळेर शॅक्स मोट्या प्रमाणात पळोवंक मेळटात. दर्यावेळेर गेल्यार आमी ह्या शॅकाचेर जेवतालींच. वेगवेगळ्या तरांचीं खाणां-जेवणां ह्या शॅकाचेर मेळटात. नुस्त्याचें रुचीक जेवण तर आसाच त्या भायर पास्ता आनी हेर खाणां मेळटात.

गोंयच्या जायत्या दर्यावेळांचेर आतां उदकाचे खेळ सुरू जाल्यात. आदल्या तेंपार हे खेळ नाशिल्ले. पर्यटकांचे मनरिजवणे खातीर खूब उदकां खेळ आसात. बोटींतल्यान दर्याचो सफर करप, पॅरासेलींग करून वयल्यान दर्यावेळ पळोवप. पॅरासेलींत करतना भंय खूब दिसता पूण मजाय तितलीच येता. स्पीड बोटीचेर नेटान उदकांतल्यान वचूंक तितलीच मजा येता.

          आतां हे दर्यावेळेर आनीक साधनसुविधा निर्माण जाल्या. सरकारान हे दर्यावेळेची उदरगत केल्या. गर्दी वाडिल्ल्यान दर्यावेळेची सोबीतकाय मातशी उणी जाल्या खरी पूण आमकां कळंगूट दर्यावेळेर वचून पांय बुडयल्या शिवाय जायना.

#Calangute #Beach #Tourism #Essay #Goa #Educational