साहित्य

1/2 कणगां 

1/4 किलो गोड 

1 चमचो मीठ 

1 नाल्लाची सोय 

4-5 वेलची 

1/2 वाटी साबुतांदूळ 

कृती 

कणगां तासून फाव तश्यो म्हळ्यार बारीक – मोट्यो तांच्यो फोडी करूं येता. कणगांच्यो फोडी करताच गॅसार तोप दवरून उदकाक खतखतो काडून तातूंत कणगां फोडी आनी साबुतांदूळ बरें शिजोवन घेवचें. उपरांत नाल्लाचो रोस काडचो म्हळ्यार नाल्लाची सोय, एक कप उदक आनी वेलची घालून मिक्सरांत वांटून घेवन गाळण्यार रोस पिळून काडचें. कणगां फोडी शिजताच तो नाल्लाचो रोस, गोड मीठ घालून खतखतो येसर चाळीत रावचें (निरंतर खतखतो येतासर चाळीत रावल्यार नाल्लाचो रोस फुटना). पांच मिणटां खीर बरी शिजोवची. खीर शिजताच गॅस बंद करचो. खीर तयार जाताच गरम खीर खावं येता वा फ्रिजान थंड करून सुद्धा खीर खावं येता.

(कणगांची खीर करतना साबुतांदूळ जावं रवो वा चण्याची दाळ खंयचोय एक नग आपल्या आवडी प्रमाणें घालूं येता. फक्त चण्याची दाळ घालता जाल्यार ती वेगळी कुकरान शिजोवन घेवची आनी रवो घालता जाल्यार नाल्लाच्या रोसाक खतखतो येताच एक चमचो रवो घालून खीर चाळीत रावची. हेर कृतीत कांयच बदल जायना.)

अतिशा सुर्लीकार