साहित्य

10 – 12 आळवाचीं पानां

1 वाटी पणसाचीं भिकणां

1/4 किलो धवे वा पाचवे वाटाणे

1/4 चमचो हळदीचो पिठो

3 चमचे गरम मसालो

1 मोट्या नाल्लाची सोय

1 चमचो तेल

1/4 चमचो मीठ

चिमटी भर गोड

1/2 चमचो सांसवां

1/4 चमचो हिंग

2 कप उदक

ल्हान आंबटाणीचो गुळो

7 – 8 आंबाडे (आसल्यार तोणाकाक घालचे)

कृती

आदले रातीं वाटाणे फुगत घालप. आळूं धुवन चिरपाक घेवप. आळूं चिरचे पयलीं हाताक सोलां चोळून घेवन आळूं चिरपाक घेवप, ना तर हाताक खाज येवन हात बुड्डुपाक लागतात. सोल वा आमटाण हाताक चोळ्ळ्यार आळूं चिरतल्याच्या हातांक खाज येना. आळूं चिरून जातांच आंबाडे तासप, पणसाचीं भिकणां धुवन मातशी धाडावप. मागीर चिरिल्ल्या आळवाचीं पानां, धाडायल्लीं भिकणां, फुगयल्ले वाटाणे, ताशिल्ले आंबाडे एक – एक करून कुकरान दोन वाटयो उदक घालून शिजोवप. चार – पांच सिटयो येताच गॅस बंद करचो. कुकराची वाफ वतासर नाल्लाची सोय, गरम मसालो, आमटाण, हळदीचो पिठो आनी एक कप उदक घालून मिक्सरांत वांटून घेवचे. उपरांत तोपांत तेल गरम करून तातूंत हिंग सांसवांचीं फोण्णां मारप. फोण्ण मारल्या उपरांत कुकरांत शिजयल्ली सामग्री तोपांत ओंतप. तातूंत वाटिल्लो मसालो, मीठ, चिमटीभर गोड मिस्तूर करून पांच मिणटांनी तोणाकाक खतखतो येताच गॅस बंद करून गरम गरम रोटी वा पावा बरोबर खावं येता.

अतिशा सुर्लीकार