साहित्य

10 – 12 आंबाडे 

1/4 किल गोड (गोडसाण जाय तितलें गोड वापरूं येता)

1/4 चमचो मीठ

4 – 5 सुक्यो मिरसांगो

1 मिरसांगे पिठो (सांसावाक तांबसो कोर जाय जाल्यार मिरसांगेचो पिठो वापरूं येता वा काश्मिरी मिरसांगेचो वापर करूं येता.)

1 नाल्लाची सोय

1/4 चमचो सांसवां 

1 चमचो तेल

1/2 कप उदक

कृती

आंबाडे तासून उदकांत बरे धुवन मिठाक लावन कुशीक दवरचे. उपरांत फोण्णाची तयारी करप. गॅसार तोप बरो हून करून घेवप. तातूंत तेल घालप. तेलांत चिमटीभर हिंग घालून सांसवां फोण्णांक घालप. सांसवां बरी पुटपुट्टाच तांतन आंबाडे शिजपाक घालप. आंबाड्यांनी अर्दकप उदक घालून पांच – धा मिणटां शिजोवन घेवप. आंबाडे शिजता म्हळ्यार वांटण तयार करप. सोय, मिरसांगे पिठो, सुक्यो मिरसांगो अर्दकप उदक घालून वांटण मिक्सरांत वांटून घेवप.

जशे आंबाडे शिजले तशे तोपांत वांटण, गोड, मीठ घालून सगळें मिश्रण एकजीव करप. परत तीन – चार मिणटां सांसावाक बरो खतखतो काडप. सांसावाक खतखतो येताच गॅस बंद करप. सांसाव तयार जाताच चमचमीत आंबट – गोड – तिखट सांसावाचो आस्वाद घेवं येता.

अतिशा सुर्लीकार