बेनी बोरजीस,

ताज कॉलनी,

फोंडें गोंय.

15 जानेवारी 2024

सेवेक,

नगराध्यक्ष,

फोंडे नगरपालिका,

फोंडे गोंय.

विशय – अनियमीत विजेचे पुरवणे खातीर कागाळ

भोवमानेस्त,

नमस्कार

हांव बेनी बोरजीस, ताज कॉलनी फोंडे गोंय, हांगा रावपी. गांवचे वतीन हांव आमची अडचण तुमचे मुखार मांडपाक सोदतां. आमच्या गांवांत विजेची पुरवण सारकी जायना. ते खातीर आमकां जायते अडचणींक तोंड दिवचें पडटा. म्हूण ही चीट बरयतां.

विजेची पुरवण सारकी नाशिल्ल्यान ताचो परिणाम हांगासरल्ले लोकजिणेचेर जाता. घर-दार सांबाळपी तशेंच नोकरी करपी बायलांक जे कश्ट सोंसचे पडटात ते उतरांनी सांगप कठीण. तांचीं विजेचीं उपकरणां ठप्प जाल्ल्यान घर काम करतना धांदल जाता. राती वेळार तर खूबच हाल जातात. पंखे चलना जावन जळारां चाबतात, तेन्ना रातभर तळमळत रावचें पडटा. हाचो परिणाम तांच्या कामाचेर आनी भलायकेचेरय जाता. शिकपी भुरग्यांक वीज नाशिल्ल्यान रातचो अभ्यास करपाक मेळना तशेंच वर्क फ्रॉम होम करतल्यांचीं कामां पुराय जायनात. उत्पादन करपी कारखान्यांत आडखळी येतात आनी देशाचें लुकसाण जाता.

तुमी जाता तितले बेगीन हाचेर उपाय काडटले आनी हो प्रस्न सोडयतले अशी आस्त बाळगितां.

बरें मागून.

तुमचो विश्वासू,

सय

(बेनी बॉरजीस)

CONTRIBUTED BY H. MANOJ