LETTER SAMPLE – JOB APPLICATIONS

पत्राचो नमुनो 1 – शिक्षकाच्या पदा खातीर अर्ज

सोहम गांवस,

घर क्र. 98,

दत्तवाडी,

सांखळी, गोंय – 403505.

तारीख – 1 जानेवारी 2021

सेवेक,

मानादीक मुख्याध्यापक,

अबक विद्यालय,

विकास वाडो,

फोंडें, गोंय – 403401.

विशय – शिक्षकाच्या पदा खातीर अर्ज.

भोवमानेस्त,

          तुमच्या विद्यालयांत शिक्षकाचें पद भरपाचें आसा हाची जायरात, आयज तारीख 1 जानेवारी 2021 च्या दिसाळ्यांत हांवें वाचली. हांव ह्या पदा खातीर इत्सूक आसां आनी ते खातीर हो अर्ज करतां.

          कला शाखेंत कोंकणी आनी इंग्लीश विशयांत हांवें पदवी मेळयल्या आनी परिक्षेंत पयले श्रेणींत हांव उत्तीर्ण जालां. तशेंच बी.एड परिक्षेंत हांव पयले श्रेणींत पास जालां.

          फाटलें एक वर्स हांवें दिवचलच्या कखग विद्यालयांत शिक्षक म्हूण काम केलां. हांव तुमच्या विद्यालयांतलें काम समाधानकार रितीन करतलों हाची म्हाका खात्री आसा.

          म्हज्या परिक्षांची गुणपत्रिका आनी प्रमाणपत्रां तशेंच अणभव पत्र हांच्यो स्वयंप्रमाणीत प्रती पत्रा वांगडा जोडल्यात.

          म्हजो अर्ज तुमी विचारांत घेवन म्हाका मुलाखती खातीर संद दिवची अशी नमळायेची विनवणी.

बरें मागून.

तुमचो विश्वासू,

(सय)

सोहम गांवस

जोड पत्रां –

1. पदवी परिक्षेचें प्रमाणपत्र (स्वयंप्रमाणीत फोटोकॉपी प्रत)

2. बी.एड. परिक्षेचें प्रमाणपत्र (स्वयंप्रमाणीत फोटोकॉपी प्रत)

3. अणभव प्रमाणपत्र (स्वयंप्रमाणीत फोटोकॉपी प्रत)