फुकट सभाघर मागपा विशीं – REQUEST FOR FREE HALL

महेश गांवस,

अध्यक्ष,

नाट्य मंडळ,

केरी, फोंडें, गोंय.

तारीख- 01/05/2024

सेवेक,

वांगडी सचीव,

रवींद्र भवन,

सांखळी-गोंय.

विशय – नाट्य शिबिरा खातीर जोड पालवा संदर्भांत.

भोवमानेस्त,

नाट्य मंडळ, केरी फोंडें ही संस्था फाटल्या स वर्सां सावन गोंयच्या वेग-वेगळ्या वाठारांनी तरणाट्यां खातीर नाट्य शिबिरां आयोजीत करता. अंदूं हें नाट्य शिबीर दिवचल – सत्तरी वाठारांतल्या युवां खातीर घेवपाचो आमचो विचार आसा. हें शिबीर फुकट आसता आनी गोंयचे नामनेचे नाट्यकलाकार शिबिरांत वांटेकार जावपी तरणाट्यांक मार्गदर्शन दितले.

हें नाट्य शिबीर रवींद्र भवन सांखळीच्या जोड पालवान 10 जून 2024 आमी आयोजीत करूंक सोदतात. ते खातीर, नाट्य शिबिरा खातीर मुख्य सभाघर आमकां फुकट उपलब्ध करचें अशें तुमचे लागीं नमळायेन मागतां.

ह्या नाट्य शिबिरा खातीर हेर कसलीय माहिती जाय आसल्यार म्हाका (0000000000) ह्या नंबराचेर संपर्क करूं येता.

बरें मागून.

तुमचो विश्वासू,

सय

(महेश गांवस)