पत्राचो नमुनो 1 – पुस्तकांची खरेदी

समिरा नायक,

कोंकणी शिक्षक,

सरकारी प्राथमीक विद्यालय,

पणजे, गोंय – 403001.

तारीख – 1 जानेवारी 2021

सेवेक,

मानादीक अध्यक्ष,

कोंकणी भाशा मंडळ, गोंय,

कोंकणी भवन,

विद्यानगर, मडगांव, गोंय – 403601

विशय – पुस्तकांचे खरेदी संदर्भांत.

भोवमानेस्त,

          आमच्या विद्यालयाच्या वाचनालया खातीर आमकां कांय पुस्तक विकत घेवपाची आसात. ताची सुची सकयल दिल्या. विद्यालयाच्या पत्त्याचेर पुस्तकां बिला सयत धाडची अशी नमळायेची मागणी. शाळेच्या वाचनालया खातीर हीं पुस्तकां आशिल्ल्यान मोलांत सूट दिवपाचीय तुमचे कडेन विनवणी करतां.

पुस्तकांची सुची –

1. चित्रबोध (कोंकणी – कोंकणी) – 10 प्रती

2. चित्रबोध (इंग्लीश – कोंकणी) – 5 प्रती

3. बोमाडे – 5 प्रती

4. भुकेल्लो क्रेनी – 5 प्रती

5. भाबडें मन – 5 प्रती

6. कोंकणी व्याकरण – 10 प्रती

बरें मागून.

तुमचें विश्वासू,

(सय)

समिरा नायक