दातें म्हुण्टा तें मांडून
दातें म्हुण्टा तें मांडून
दात्यार कांडिली पिटी
नवर्यान मारिली मिटी
______ (व्हंकलेचें नांव) धूव म्हुगो आमची.
संदर्भ – मानांलीं गितां, डॉ. जयंती नायक
बाराडेच्या खुरसा
बाराडेच्या खुरसा
सकल वयर पांवडे,
चडोन येयल्यार आंवडे
______ (व्हंकलेचें नांव) तुगेल्या काजराचे!
संदर्भ – मानांलीं गितां, डॉ. जयंती नायक
ही चीट पावय
व्हंकले व्हंकले म्हुजे बाये
आज तुज्या काजाराचो दीस
ही चीट मामाक पावय.
व्हंकले व्हंकले म्हुजे बाये
आज तुज्या काजाराचो दीस
ही चीट तितिवाक पावय.
(पयस आशिल्ल्या नात्यांतल्या सगळ्यांचीं नांवां घेवप)
संदर्भ – मानांलीं गितां, डॉ. जयंती नायक
भितर सोरता
धूव आनी पूत
भितर म्हुज्या सोरता
आनी म्हुज्या घोराक
बेसांव दिता!
संदर्भ – मानांलीं गितां, डॉ. जयंती नायक
बेसांव दिच्या येता
बाये, व्होंकले म्हुजे बाये
मांय म्हुगो तुजी
बेसांव दिच्या येता.
बाये, व्होंकले म्हुजे बाये
पाय म्हुगो तुजो
बेसांव दिच्या येता.
बाये, व्होंकले म्हुजे बाये
इरमांव म्हुगो तुजो
बेसांव दिच्या येता.
बाये, व्होंकले म्हुजे बाये
माना म्हुगो तुजें
बेसांव दिच्या येता.
(नात्यांतल्या सगळ्यांचीं नांवां घेवप)
संदर्भ – मानांलीं गितां, डॉ. जयंती नायक
काजाराची सावूद
_______ तारीख, म्हयनो _______
दीस तो व्होडा खोशयेचो.
आज सातवो सांक्रामेंत जोडलो तुमी खोशयेचो
आज एकवट जालो दोन काळजांचो
हो एकवट तुमच्यांनी विसरूंक नेजो.
रेस्पेराक तुमी भायर सोरतोना
आवाज केलो फुगेट्यांचो
इगर्जेंत भितर वचोन
एकवट जोडलो दोन काळजांचो.
एकवट तुमचो इगर्जेंत जाताना
आवाज जालो तो घांटयेचो
ते घांटयेक गोमोन येता
एकवट जालो तुमचो खरो.
एके बागेंत एक सोबीत फूल
पळोवंक दिसतालें,
तें फूल _____ (न्हवर्याचें नांव घेवप) बागेंतलें
सारकें तुयें सोदून काडलें.
तें फूल न्हूंय आनीक कोण
_______ (व्हंकलेचें नांव घेवप) तूंच म्हुगो आसलें.
घोवाक तूं केन्ना वायट कोरनाका
ताचें घर चलोनी फुडें
दुस्मान तुमकां लागचे नात
घट आसले तर तुमचे हात.
एकमेकांक विसरनासतना
सदांच तुमी चलात मोगान
दुस्मान जर तुमकां करीत फुडो
तुमी कोराय तेका फाट
अशें तर तुमी कोरीत
सदांच तुमचो बरो उरतलो सांगात.
संदर्भ – मानांलीं गितां, डॉ. जयंती नायक