कितल्योय व्हडल्यो बांदू बिल्डिंगो
तुजे मुखार सगळ्यो ल्हान
उतर दिता —- तुका
सदांच सांबाळटलों तुजो मान
Contributed by Anwesha Singbal
काळजाच्या उल्याक म्हज्या
तुवें दिलें खिणांत उतर
नवो प्रवास सुरू करतना
_______, तुजोच सांगात जिवीतभर
Contributed by Anwesha Singbal
हातांत घेवन हात
बांदली मनांची गांठ
_______ चो सोबीत सांगात
मेळूं सदांच दीस रात
Contributed by Anwesha Singbal
कोर्टाची पायरी चडची न्हय म्हणटात
पूण ह्या कोर्टांत घालतां पावल खोशयेन
निकाल पयलींच लागला हे केसीचो
की _______ सदांकाळ आसतलो म्हजेच वटेन
Contributed by Anwesha Singbal
रस्ते जावं केदेय लांब
आमची बाबा चोडणा फेरी
_______ आनी म्हाका दियात आशिर्वाद
जीण मुखार जावंक बरी
Contributed by Anwesha Singbal
भुरग्यांक शिक्षण दिवपाचो हावेस
पूण जिणेंत मेळ्ळो एक असो शिक्षक
_______ सांगातान नव्यान शिकता
जिणेचें हें पाठ्यपुस्तक
Contributed by Anwesha Singbal
पाचवो शालू पाचवीं कांकणां
माथ्यांत माळ्ळीं फुलां
पुराय जीण _______ गोपांत
सारपाचें उतर दिलां
Contributed by Swati Naik
तांदळांनी भरिल्लें
हुमऱ्यार दवरलां माप
म्हज्या मुखार _______
केन्नाच काडचो ना जाप
Contributed by Swati Naik
भांगराची वाटी
चांदीचें ताट
देवानूच बांदल्या म्हजी आनी _______ची
लग्नाची गांठ
Contributed by Swati Naik
काळजाच्या मोनिटरार
फांकल्या नवे रंग
_______च्या मोगान
हांव सामकोच दंग
Contributed by Tanvi Kamat Bambolkar
नवे वाटेर नवीं आव्हानां
सहज हांव पेलतलें
सांगात जो लाभला _______चो
जीण सुखान जियेतलें
Contributed by Anwesha Singbal
आवडीची म्हजी ब्लॅक टी
आनी ______ चें नांव घेवपाक लायल्यार
तुमकां लायतलें हांव व्हडली फी
Contributed by Gauravi Keni Khaunte
वास आयलो म्हणून पळोवपाक गेलें जायेचो मळो
थंय ______न मारलो म्हजेर हळूच दोळो
Contributed by Harsha Shetye
नुस्त्याचें फटोवन वाडलें बटाट ताटान
______ नांव घेता घर भरवणे निमतान
Contributed by Mithila Kamat Talaulikar
मोगाची काणी व्हरुया आमी मुखार,
______ सांगातान फुलयता बरो संवसार
Contributed by Mithila Kamat Talaulikar
ग्लासांत ग्लास
______ म्हजें फस्कलास
Contributed by Harsha Shetye
बरें ना जाल्यार कोणूय
रोखडेंच दितां वखद हांव
_______ सांगातान सुरू करतना नवो प्रवास
म्हणात सगळीं आमचें बरें जावं
Contributed by Anwesha Singbal
तांदळाच्या सांकाक उंदरान केलो बुराक,
______क लागता पयल्या धारेची हुर्राक.
Contributed By Harsha Shetye
काळ्यो पिड्डुको गळोभर
______क पळयन दोळेभर.
Contributed by Harsha Shetye
पणसांत आसता गोड गोड गरे,
______ आसता थंय सगले बरे.
Contributed by Shreyas Karmali
बोर्डार बरयता बरयतां
जुळ्ळें मोगा नातें,
______च्या हातांत
सगळें भौशीक बांदकाम खातें.
Contributed by Hrishikesh Kadam
दामबाबाली करता पुजा
आनी महालक्ष्मीची करता आरती,
______ तूंच आतां
म्हज्या संवसाराचे सारथी.
Contributed by Kalpana Praveen Bhat
25 वर्सांचो संवसार सुखाचो
घडिल्लो मेळ मना-मनाचो,
_____च्या सांगतान खोशयेन सारू
फुडाराचो प्रवास जिणेचो.
Contributed by Anwesha Singbal
शिवोलसून पावलें फोंड्यां
पणजेचो पूल काडून,
जालें सौभाग्यवती हांव
_____ नांव घेवन.
Contributed by Pranita Redkar
मिश्यां धारी हो शंकर सगळ्यांचेर भारी,
आई पाव गे लयराई
हो ______ आनी हांव ताची एकुलती एक नारी.
Contributed by Pranita Redkar
मंडप देवतेक मान दिवन
लग्नकार्य जालें,
_________च्या मोगान हांवें
नवें नातें जोडलें.
Contributed by Sanvi Khandeparkar
वाटयेर वाटी 12 वाटी
घराच्या दारार ______ नांवाची पाटी.
Contributed by Radha Arvind Kamat Wagh
सांज शृंगार सौभाग्याचे,
____ नांव घेवपाक मेळटा भाग्याचें.
Contributed by Radha Arvind Kamat Wagh
कितलीशीच लांब ती
काणी आमच्या मोगाची,
________चें नांव घेता
सून ह्या घरची!
Contributed by Sanvi Khandeparkar
म्हाड्डोळचे वाटेर सुटला
जायां सुवास,
______ चें नांव घेता
तुमचे खातीर खास.
Contributed by Radha Arvind Kamat Wagh
निळ्याशार मळबांतल्या सुर्याक
किरण दिकां दाखयता,
जिवितांत ______च्या रुपांत
तेजान भरिल्लो काजुलो उजवाड फांकयता.
Contributed by Pooja Laxmikant Bhandare
इंग्लीशींतल्यान चंद्राक म्हणटात मून,
______ नांव घेता _____ ची सून.
Contributed by Roopa Agni
मुदयेंत चकचकता हिरो,
मळबांत चकचकता तारो,
_____ होच म्हजो
दागिनो खरो.
Contributed by Roopa Agni
ताज महल बांदपाक
कारागीर आसले कुशळ,
______ चें नांव घेतां
तुमचे खातीर स्पेशल.
Contributed by Vaidehi Zharapkar
2 x 2 केल्यार जाता four
2 x 2 केल्यार जाता four,
_______चें नांव घेता
सगळीं म्हणात once more.
Contributed by Punvi Biche
आयज उखलतां ही घुढी नव्या संवसाराची,
______च्या सांगातान आतां जल्मभर ही वाट हांव चलपी.
Contributed by Kiran Palkar
आई म्हजी सिरसीची
माय म्हजी उडपीची,
______चें नांव घेतां
सून हांव ______ची.
Contributed by Punvi Biche
गोंयच्यान मानकुराद आंबो जाता export,
________ हाका हांवें _______ सावन केलो import.
Translated by Sneha Sabnis
दारा मुखार काडली रांगोळी फुलांची,
______चें नांव घेतां, सून हांव ______ची.
Translated by Sneha Sabnis
म्हज्या हाताचेर रंगली मेहंदी,
______चें नांव घेवपाची परत परत येवं संदी.
Translated by Sneha Sabnis
आशेचो नवो दोंगर
नव्या विश्वाचें नवें सपन
___________चें नांव घेतां
रचून जिविता कवन.
Contributed by Shilpa Laad
घाल्या नथ भांगराची
न्हेसला साडी जरीची
___________चें नांव घेवन
वाचतलें कथा जिणेची.
Contributed by Shilpa Laad
मंगलश्टका कानार पडल्यो
नातें कळळें जल्माचें
________ वांगडा करतले संवसार
हें जिवीत लाख मोलाचें.
Contributed by Shilpa Laad
नागेश देवाच्या सासायेन
जुळटा आमची गांठ
_______चो लागतलो
जिवीतभर सांगात
Contributed by Tanvi Kamat Bambolkar
करंडार करंड लाडवाचो
_______ म्हज्या मोगाचो.
Contributed by Harsha Shetye
धव्या फोलीर काळीं लेत्रां
______ उलयता इस्तिमसांवांचीं उतरां
Contributed by Harsha Shetye
नांव घे, नांव घे, कित्याक करप तो शो,
नांव घे, नांव घे, कित्याक करप तो शो,
_____ म्हजी बायल आनी हांव ताचो घोव.
Contributed by Kaushik Pai Fondekar
इतिहासाच्या पुस्तकाक
भुगोलाचें cover…
_________ म्हजें lover.
Contributed by Balaji Shenoy
मेथयेच्या पेजेक म्हणटात आटवल
____चें नांव घेवन बांदतां हांव
भावाभावजयेचे (तांचीं नांवां घेवपाचीं) गांठवल
Contributed by Harsha Shetye
फुलांत फूल गुलाबाचें
______ म्हज्या मोगाचें
Contributed by Harsha Shetye
Propose करतना
हाताक ताच्या आयलो
ओयलीचो वास
आनी ______ जालो म्हजो
सासणाचो इतिहास.
Contributed by Tanvi Kamat Bambolkar
तांबड्या पाटार मोराची दिवली
______क पळोवन तान भूक न्हिवली.
Contributed by Harsha Shetye
वयल्या रानांत फुल्ल्या पत्री
______च्या हातांत हरणछाप सत्री.
Contributed by Harsha Shetye
_____ (गांवाचें नांव) पडलें चुडीत,
_____न म्हाका हाडले ओडीत
Contributed by Shreyas Karmali
पयल्याच खिणाक हांवें तुजो
मोग गो वळखलो,
______ हांव प्रत्येक कडेन
तुज्या सांगातान सावरलों.
Contributed by Kalpana Praveen Bhat
नवीं नातीं रुजतात जिणेंत
तांचो सदांच राखतलें मान
आसचो तुमचो आशिर्वाद सदांच
करतना नवो प्रवास ______च्या सांगातान
Contributed by Anwesha Singbal
केळींच्या चोळक्यार पणसाचो गरो,
______ पळोवपाक दिसता बरो,
पूण म्हजे कडेन बरो वागतलो तेन्नाच खरो.
Contributed by Harsha Shetye
मोगीची जावन अक्षदां पडली लग्नाची गाट,
पयलींच सांगता _____ आतां सोडचे ना तुजी फाट.
Contributed by Pranita Redkar
दिवलेंतली वात
दिता साक्ष उजवाडाची,
______च्या सांगातान
चलता वाट सुखाची!
Contributed by Sanvi Khandeparkar
कुळाराचे पणटेंत घोवाघरची वात,
______च्या नांवान करतां
संवसाराची सुरवात.
Contributed by Sanvi Khandeparkar
जाणट्यांचो सदांच आसा आमचेर हात
संवसारांत आतां मेळ्ळो तुजो सांगात
खुशालभरीत आशिल्लो आयचो हो पल
____ तूंच जालें आतां म्हजी व्हंकल
Contributed by Rajat Hegde
ल्हान आसतना आयकिल्ली हांवें राजा राणयेची काणी,
काणयेंतलो हांव राजा आनी _____ म्हजी राणी.
Contributed by Vinaya Raikar
_____ घरांत दुदा तुपाची साय
आनी _____ घरचें _____
आमकां सून म्हणून
जाय म्हणल्यार जाय.
Contributed by Anwesha Singbal
लग्न मंडपा समोर
कडक पडलां ऊन,
______चें नांव घेता
______ घरची सून.
Contributed by Radha Arvind Kamat Wagh
हांव तुजो बर्गर
तूं म्हजें फ्रायज,
म्हजें ______
म्हाका जिणे सांगाता जाय.
Contributed by Tanvi Kamat Bambolkar
राम, लक्ष्मण, सीता त्रिमुर्ती साक्षांत,
______ चें नांव घेता तुमच्या उरूं लक्षांत.
Contributed by Roopa Agni
आशिर्वादाचीं फुलां
वेंचता ओणव घालून,
_____ चें नांव घेतां
सगळ्यांचो मान दवरून.
Contributed by Roopa Agni
कितलोय, खंयूय आसलो तरी तूंच आसता मनो मन,
______ तुजेंच नांव घेवन करता नव्या वर्साचें आगमन.
Contributed by Vaidehi Zharapkar
क्यांव म्यांव घरे खांव
_______ चो जल्माचो सांगाती हांव
Contributed by Chetan Acharya
तूं सुर्या जाल्यार हांव तुजें कीर्ण
तूं भात जाल्यार हांव तुजें वरण
तूं पोळी जाल्यार हांव तुजें पुरण
म्हाका सांबाळपी दार तूं जाल्यार हांव तुज्या जिवितांत घसघसून व्हावपी धरण
______ची अर्धांगी देवा लागीं इतलेच मागता
सातूय जल्मांत ______च्या खोशयेचें हांवूच आसचें कारण
Contributed by Pooja Laxmikant Bhandare
आयज सावन जालें हांव मिसेज, आनी हो म्हजो मिस्टर,
_______चें नांव घेतां, लग्न जालें रेजिस्टर.
Translated by Sneha Sabnis
फॉरेनाक वचपाची आसली म्हजी इत्सा खूब,
लग्ना उपरांत _______ हांणी हनीमुनाची तिकेट केली बूक.
Translated by Sneha Sabnis
दसणेच्या झाडाक फुलां येतात दाट,
________चें नांव घेतां, सोडात म्हजी वाट.
Translated by Sneha Sabnis
नव्या संवसाराची आमी करतात सुरवात,
म्हजेर आनी ______चेर तुमी सगल्यांनी दवरचो आशिर्वादाचो हात.
Translated by Sneha Sabnis
हातान हात
तुजी म्हजी साथ
___________चें नांव घेवन
करतां नवी सुरवात.
Contributed by Shilpa Laad
सात जल्म सात फेरे
________चें नांव घेता तें पळोवंक
रावल्यात सगळे सोयरे.
Contributed by Shilpa Laad
मोगाचो रंग हो
म्हजे साडयेंत नकळटा जसो भरसलो
तसो ________च्या (घोवाचें नांव) वेंगेत
मुखामळार हांसो परजळ्ळो.
Contributed by Pranita Redkar
काळजाक म्हज्या मेळ्ळो धीर
आयज जिणेचो सांगाती जालो मोगाचो _______
Contributed by Tanvi Kamat Bambolkar
वाजता म्हज्या हातांत चुडो
खिणा-खिणाक कीण कीण
_______ सांगाता सुरू करता
नवो संवसार, नवी जीण.
Contributed by Anwesha Singbal
माडा वयल्यान शेवटून पडलो बोंडो
_______ म्हजो काळजाचो गोंडो
Contributed by Harsha Shetye
आमोरेच्या वेळार सुर्या लिपलो मळबांत,
______च्या नांवान घातलें मंगलसुत्र गळ्यांत.
Contributed by Shamika Ballikar
शीत केलें फळफळीत
बांगड्यांचें केलें धबधबीत
विसवण तळ्ळो ताजो
______चें नांव घेवंक
पयलो नंबर म्हजो
Contributed by Harsha Shetye
जेन्नाच्यान लागले जिणेंत
_______ची ओड
तेन्नाच्यान जीण जाल्या
चॉकलेटी भशेन गोड
Contributed by Anwesha Singbal
शाळेच्या नोटीस बोर्डार
नवी नोटीस लायल्या,
बेतोडीची सून जावन
_____ टिचर हांसल्या.
Contributed by Tanvi Kamat Bambolkar
करवलेक उखाणो
_____ देवा साक्षीन धरलो
(नवऱ्या व्हंकलेचें नांव)च्या लग्नाचो करो,
आनी _____ म्हजो सगळ्यांत बरो.
Contributed by Veda Thali
महालक्ष्मी दामबाबाली पुण्याय,
कात्यायनी बाणेश्वराली सासाय,
_____ तुजो म्हाका असोच
आयुश्यभर साथ जाय.
Contributed by Kalpana Praveen Bhat
खिळ्याक लायलो बोटवो,
______ म्हजो मोटवो
Contributed by Harsha Shetye
दोंगराची उंचाय आनी शेतांचें धान,
सगळ्यां वयर दवरतां हांव ______चो मान.
Contributed by Pranita Redkar
चॉकलेटींची गोडसाण भरून
_____ सांगातान सारतलें आतां जीण.
Contributed by Anwesha Singbal
हिरव्या रंगाचो चुडो
आनी तांबड्या रंगाचो शालू,
_____चें नांव घेवन सांगता
हांव ताची बायल आनी तो म्हजो बाबू.
Contributed by Pranita Redkar
मेळ्ळो घोव मना सारको
दर एकल्याक गोड खावय,
सगळ्या हुजीर सांगता पळय
_____ जल्म दिवपी भाग्यवंत ती आवय.
Contributed by Pranita Redkar
लामणदिवो लायिल्ल्या माटवांत
भितर हांव सरलें,
हुमऱ्या वेलें माप हांवें
भोवमानान ओलांडलें
_______ तुजें नांव घेवंक
चडूच हांव लजलें!
Contributed by Sanvi Khandeparkar
चंदनाचो वास घर भर
______ नांव घेवंक मेळुंदी आयुश्यभर.
Contributed by Radha Arvind Kamat Wagh
गरमेच्या दिसांनी गळटा घामाची पावळी
_____ तूंच म्हजे जिविताची सावळी.
Contributed by Rajat Hegde
सपनांचे हद्देर रावन
तुकाच हांवें देखलें,
______ तुज्या सांगातान
विश्व हांवें जिखलें.
Contributed by Sanvi Khandeparkar
______ माटवांत
जाली आमची भेट,
______चें नांव घेतल्यार
चडटा म्हाका नेट.
Contributed by Anwesha Singbal
भांगरा मंगळसुत्र शेटीन घडयलें,
_______ नांव घेवपाक नणंदेन आडायलें.
Contributed by Radha Arvind Kamat Wagh
देवाचे, म्हालगड्यांचे सासायेन
बांदली सात जल्मांची गांठ,
सुखाच्या सपनांनी सजयतां
संवसाराचो सात रंगी पाट,
आमचे दोगांचें नातें आसचें जशें
शिव शक्ती वरी दाट,
_______चें नांव घेवन दाखयतां
म्हज्या भांगराळ्या संवसाराक तांबड्या पिंजरीचे राट.
Contributed by Pooja Laxmikant Bhandare
फुलांत फूल मदन बाण,
_____ म्हाका जीव काय प्राण.
Contributed by Roopa Agni
त्रिवेणी संगमांत
सरस्वती जाली गुप्त,
______ च्या संवसारांत
हांव आसां तृप्त.
Contributed by Roopa Agni
पूर्व दिशेक हात जोडून केलो
सुर्याक नमस्कार,
______ कडेन लग्न करून
जालें हांव ______कार.
Contributed by Punvi Biche
सुखी संवसारांत मन रमतना दुकांक नासतली सुवात,
______च्या सांगातान जिविताची पेटयतां नवी वात.
Contributed by Kiran Palkar
_____चें नांव घेतां म्हूण जालीं सगळीं जमा,
जीव जाला खासावीस आतां तरी दार सोडा.
Contributed by Kiran Palkar
मे म्हयनो म्हणजे लग्नाचो सिजन,
________चें नांव घेवपाक आयज मेळ्ळें खरें रिजन.
Translated by Sneha Sabnis
Netflix चेर पळोवपाक आवडटात नवी नवी सिरीज,
आतां ______ बरोबर लग्नाचो व्हिडियो जातलो रिलीज.
Translated by Sneha Sabnis
आमच्या संवसाराच्या पुस्तकाचें उकतें करतां पयलें पान,
_______चें नांव घेतां दवरून सगल्यांचो मान.
Translated by Sneha Sabnis
आलतडींतल्यान पलतडीन
तारया वरी नवो खीण
___________चें नांव घेवन
सुरू करतां नवी जीण.
Contributed by Shilpa Laad
हाताक मेथी पांयाक मेथी
रंग चडला मोगाचो
आसा हावेस म्हाका सदांच
___________ वांगडा रावपाचो.
Contributed by Shilpa Laad
पुजा केली मंडप देवतेची
हात धरलो बापायचो
मंगळसुत्र घालें ________ च्या नांवान
मान दवरून सगळ्यांचो.
Contributed by Shilpa Laad
