गोंय घटक राज्य दिसाचीं परबीं
अस्मिताय दिसाचीं परबीं
क्रांती दिसाचीं परबीं
गोंय मुक्ती दिसाचीं परबीं
कोंकणी दिसाचीं परबीं
संवसारीक कोंकणी दिसाचीं परबीं
जागतीक कोंकणी दिसाचीं परबीं
कोंकणी राष्ट्रमान्यताय दिसाचीं परबीं
गोंयचें नांव व्हड करूंक
ल्हान जाले म्हान
बंदखणीचीं देवळां जालीं
लामणदिव्यां प्राण
बाकीबाब बोरकार
कोंकणी भास आमची मांय,
आमची भास आमकां जाय.
घरचे भेदी भायले चोर,
सांगात तांकां वाशिमोर.
डॉ. मनोहरराय सरदेसाय
उदक लेगीत जाल्लें रगत
आनी रगत जाल्लें हून
भावा तुका याद आसा
अठरा जून?
डॉ. मनोहरराय सरदेसाय
झुजा मळार पडलों जाल्यार
मर्ण म्हजें एकल्याचें
हांवें जैत जोडलें जाल्यार
जैत म्हजेच मांय-भूंयचें.
डॉ. मनोहरराय सरदेसाय
पडली बडी, पडली बडी
आमचे जिणेर पडली बडी
जैताचो वाजलो धोल
दुस्मानांची भल्ली घडी.
डॉ. मनोहरराय सरदेसाय
अजून सरूंक ना संगर आमचें
लढचें आसा अजून खूब
लढले, थकले कितलेय जरी तुमी
तरीय राखा पयली ऊब
कितलें दैन्य, अन्याय असत्यय
अजून चलता भायर भितर!
पुरतें तें हुमाटिल्या बगर रे
मुक्त जावचे नात आमचे पितर.
बाकीबाब बोरकार
सात लाख गोंयकार आमी
यूग नवें फुलयतले
अंदल्यात मंत्र जिवी
ते फाल्यां उलयतले,
आज जरी काळोख बिण्ण
सगळे कडेन पडलां किण्ण
दनपाराच्या कडार फाल्यां रथ भुजांर खेळयतले.
बाकीबाब बोरकार
आतां तरी आमची आस्त
ध्यानीं मनीं मूळ धरूं
पितर आमचे जावन खोशी
भुरगीं आमचीं वयर सरूं.
बाकीबाब बोरकार
जागी जाल्या गोंयची सासाय
येतलो भार, येतलो भार
धोल ताशे बडय, बडय
मार शेंसार, मार शेंसार.
बाकीबाब बोरकार
अजून आसात पिडपी हांगा
अजून आसात नाडपी हांगा
तरणे तशे दांडगे तुमी
अजून कशे रावल्या वोगे
हड्ड्यांतले इंगळे आज
धगधगून जावंदी जागे.
मनोहरराय सरदेसाय
आमी कोण…
हाची जाप तुमकां काळूच दितलो
अशें आमी म्हणचेनात,
ती आमीच दितले.
पुंडलीक नायक
काळ्याकुट्ट काळखांत क्रांतीची
पणटी पेटली,
पुर्तुगेज राजवट हालोवपाक,
सगलीं उठली.
अजय जल्मी