खरे इश्ट मोगाचे एके माळेंत गुंतिल्ले आसतात.
कितली सोबीत ही इश्टागत
वजन आसता, पूण वजें नासता.
खरे इश्ट केन्नाच वेगळे जायनात. एक वेळ अंतरांत जायत पूण काळजांत सदांच एक आसता.
म्हजे खूब इश्ट नात, पूण आसात ते म्हजे सामके घट आमीग. कारण हांव मात्रा पळयना, दर्जो पळयता.
इश्टागतीक लागना पिराय
ना जाती धर्माची वंय
आसची काळजाची खोलाय
कसली आस आसची न्हय.
उदय म्हांबरो
अनवळखी मनश्यांक जें नातें लागीं हाडटा ताका इश्टागत म्हणटात.
दुसर्याच्या मनाची काळजी तुमी तुमच्या मना परस चड घेतात… तीच इश्टागत!
इश्टागत करपाची आसल्यार
उदका वरी करची
पयस वचून लेगीत
खिणा खिणाक उगडास येतलो अशी करची.
सैमाक रंग जाय आसता,
फुलांक गंध जाय आसता,
मनीस एकलो कसो रावतलो,
म्हूण ताका इश्टांचो छंद जाय आसता.
संवसारांतले हेर लोक भायर वतात तेन्ना खरो इश्ट जिणेंत भितर सरता.
वॉल्टर विंचेल
बरे इश्ट मेळपाक कुस्तार, सोडपाक कठीण आनी विसरपाक अशक्य.
जी. रॅण्डॉल्फ
इश्ट हे अशे दुर्मीळ लोक, जे आमी कशे आसात हें विचारतात आनी मागीर जाप आयकुपाची वाट पळयतात.
एड कनिगहॅम
जिणेची सगल्यांत मोलाची भेट म्हणल्यार इश्टागत आनी म्हाका ती भेट मेळ्ळ्या.
ह्युबर्ट एच. हम्फ्रे
इश्टांनी केल्ले खरे मदती परस, गरजेक ते आमकां मदत करतले हाचेर आशिल्लो विश्वास आमकां चड मदत करता.
एपिक्युरस
जेन्ना तुमी इश्ट निवडटात, तेन्ना चारित्र्याचे सुवातेर व्यक्तीमत्वाची निवड करून फटोवन घेवं नाकात.
डब्ल्यू समरसॅट मोघम
म्हज्या इश्टां भितर म्हाका म्हजें पडबिंब दिसता.
इजाबॅल नॉर्टन
आमी एकलेच जल्माक येतात, एकलेच जगतात आनी एकलेच मरतात. फकत प्रेम आनी इश्टागती वरवीं आमी एकले ना हाचो क्षणीक आभास आमी तयार करूंक शकतात.
ऑर्सन वेल्स
इश्ट मेळोवपाचो एकमेव मार्ग म्हणल्यार स्वता इश्ट जावप.
राल्फ वाल्डो इमरसन
म्हज्या भितरले सगल्यांत बरें तें भायर काडटा तोच म्हजो खरो इश्ट.
हॅनरी फॉर्ड
इश्टागतीचें आमचें नातें
समाज पळयता वेगळे नदरेन,
फरक पडना आमकां
कारण आमी पाळटात हें नातें निश्ठेन.
स्नेहा सबनीस
इश्टागत आनी मनीसपण जाणें वळखलें
ताणेंच खरें जिवीत मेळयलें.
शिल्पा लाड