गणेसा देवा तुका पयलें नमन केलां पयलें नमन

धर्तरे माये तुका दुसरें नमन केलां दुसरें नमन

सर्वय देवांक मेळ नमनां घालता

सरभोंवतणी शेत गा मदीं देऊळ

तेतोंक बैसला विमलेश्षर’गा रावजे

तेतूक बैसला विमलेश्षर गा रावजे

आगा विमलेश्वर राजा बा रोळू परधान

कोंडीर बैसला कमळेक्षर गा रावजे

कोंडीर बैसला कमळेश्षर गा रावजे

ऊसू ऊसूं देवळां

गणेसा देवाशीं

राती खायली तुपान रोटी

तान कशी नागली

तान कशी नागली

आंगीस नायला बिबूत मत बा

शिगम्यासो खेळ जगन्नात बा

गावोन गावपी बरमाशी कता रे

कने मुद्रका मात्यार जटा बा

दीस जालो भागरासो रे बा

सबाग्याच्या राणयेन काय हो केलां

सबाग्याच्या राजांगणी खेळ मांडिला

भांगराच्या ताटांक नारीन आरत पुजिला

कपला कुकुम हांसत नार भायर सरला

दारांप्याच्या दारामदें उबी रावला

खेळत्या गड्यांक नारीन भौमान केला

सुरय तादूळ मुटी भरोन सासाय दिला

कपट्या रावणान कपट केलां गा कपट केलां

आपले मायेचे तेनी मीर्ग केलां गा

भांगराची रे दांतां रुप्याचीं रे शिंगा

धाडून दिलां मीर्ग तेनी शिते दुवारीं

मायेचें मीर्ग शितेन दुरी देकिलां गा दुरीं देकिलां

तें मीर्ग मारा सुवामी कांचोळी घडात गा कांचोळी घडात

रतनाची माळ तोडून घडीन कांचोळी गा घडीन कांचोळी

मीर्ग कांचोळी वनीं येता गंदाशो घाणी गा

तवय कांचोळी गा सर्वय लोकांक हाय गा

पांच पायणी घडयालो पांच पायणी घडया

एक पायणें कोणाशें विमलेश्वरा देवाशें

अशीं पायणीं सर्वय देवाच्या नावान गावपाचीं

उडरे भंवरा काळा निळा

भंवर उडोन गेला सात समदिरा

चारां चुन्ना काडयारे

परसाद देवाक घालया रे

गडे खेळोंक येयला शेडे

पायक देवाक पांस विडे

मेळशें घुमट वाजपाचें

देवाशें नांव मेळान नाचपाशें

शेळी शेतां बांदली पायणी

विळ्याची कात्रा घोडे मोडणी

आगा राम सीता राज्य करीं

गुंफे दुवारीं

नक्षीमण चालला वनांतिरीं

माराय रे शेड्यांनो गोफणी फातोर

झाडार चडोन माकोड गेला

बसला तेंगशेर

शबै शबै शबै शबै शबय

घुमची कटर लाला रे जेवण वेळ जाला

राम ना घरा शिगमो खेळूंक गेला

राम राम देवा तुमकां हस्तेन पुजिलां

तेत्तिस कोटी देवा मुकार मान केला

तेत्तीस कोटी देवांनी शिगमो रशिला

होळये खांबो गा उबो केला

राम नक्षीमण दोगय भाव

तियांनी केला शितेसो साबाळ

दशरत मुकेल तयेली नाळ

रामान घायल्या शितेक माळ

मुदल घेयलें शेलावून घेयलें

ताबू घेयलो शेलावून घेयलो

आरत आयली हासवंत

अयेपण नांदूं तिचें सासवंत

पांच नाल्लांची तळय बा

गड्यांच्या मदीं हालय बा

तांदूळ तेतूंक फुलांच्यो माळा

तुळशी मायेक माळय बा

लोक वेद एक लोकजीण, श्रीनिवास प्रभू देसाय, रिवण