संस्कृतीक उणाक लेखपाचें सोडात. तिचे जतनायेचें अर्दें काम जातलें. तिचो आदर करूंक शिकात. उरिल्लें अर्दें जातलें.
डॉ. तानाजी हळर्णकार
आख्ख्या संवसाराक आमी आध्यात्म शिकयलें. आयज शिकयतात. आमकां स्वताक अडचण जावंक जायना.
डॉ. तानाजी हळर्णकार
संद परतून परतून येना. येता तेन्ना तिचें भांगर करूंक कळूंक जाय. तें जमलेंना, तर संदच वगडावप जाता.
डॉ. तानाजी हळर्णकार
काम हें येणावळीचें साधन आसलें, तरी कामाची व्याप्ती तितलीच ना. काम हो मनशाचो सभाव. जशी भूक, तान, माया, राग तशें मनशाक काम.
डॉ. तानाजी हळर्णकार
काम हें आपलें पवित्र कर्तव्य. काम हो आपलो अन्नदातो, काम ही पुजा, काम ही सेवा, तो आपले जिणे – उत्सव.
डॉ. तानाजी हळर्णकार
इश्टागतीचें नातें आगळेंच. ह्या नात्यांत ना शीम. हें निर्व्याज नातें. कोणाक सांगूंक शकना तें ह्या नात्याक सांगूंक मेळटा.
डॉ. तानाजी हळर्णकार
शिस्त वेव्हाराक अपेक्षीत यश जोडून दिता. वेव्हारांत एक मुल्यांकीत वलय निर्माण करता.
डॉ. तानाजी हळर्णकार
कोणाक तरी भियेवप हो शिस्तीचो खरो अर्थ न्हय. आपणा खातीर, आपल्या बऱ्या खातीर हो शिस्तीचो खरो अर्थ.
डॉ. तानाजी हळर्णकार
प्रकृती, संस्कृती आनी विकृती ह्यो कृतीच्यो तीन अवस्था. जल्मान मेळटा ती प्रकृती. संस्कार दिता ती संस्कृती. संस्कार न्हयकारता ती विकृती.
डॉ. तानाजी हळर्णकार
संस्कृताय ही जण एकल्यान आपल्या आंगार खेळोवंक जाय. मिरोवंक जाय. आपली अस्मिताय म्हणून. मिरास कशी.
डॉ. तानाजी हळर्णकार
लोकशाय हो एक व्हड मानवी वेव्हार. एद्या व्हड वेव्हारांतले दोशय तेदेच व्हड आसतले. ते समजून घेवन पयस करपाचे यत्न जावंक जाय.
डॉ. तानाजी हळर्णकार
दुख्ख सुखाची किंमत बरोबर सांगता. वत सावळेची सांगता तशी. कोणाचे तरी बेशिस्तीचो उपद्रव जाले बगर शिस्तीची व्हडवीक कळना.
डॉ. तानाजी हळर्णकार
भ्रश्टाचाराक आळो घालतलो जाल्यार तो करतल्याक कडक ख्यास्त जावंक जाय. ख्यास्त करपी कडक कायदे जाय आनी कायद्याचे अंमलबजावणेक निपक्ष यंत्रणा जाय.
डॉ. तानाजी हळर्णकार
पूर्व-जतनाय उपाया परस बरी, सवाय आनी सोंपी हें त्रिसूत्री तत्व. प्रबोधनाकूय तें लागू जाता. प्रबोधन हें ख्यास्ती परस बरें, सवाय आनी सोंपें.
डॉ. तानाजी हळर्णकार
इश्टागत ही प्रेमा सारकी. ती थारावन जायना. ती आपशींच घडटा.
डॉ. तानाजी हळर्णकार
मनशाक आनंद जाता तेन्ना तो हांसता. हांसो ही आनंदाची प्रतिक्रिया. आनंदा खातीरचें आवटलेट.
डॉ. तानाजी हळर्णकार
संस्कृतायेचें आनी सभ्यतायेचें नातें लागींचें. संवसारांत ज्यो नांवाजत्यो सभ्यतायो घडल्यो तातूंत संस्कृतायेचें योगदान व्हड.
डॉ. तानाजी हळर्णकार