उपचार करपी दोतोर
सगळ्यांत पयलीं पिडेस्ताक
मानसीक नदरेन
करतात घटमूट.
दोतोर आनी पिडेस्त
हांचे मदीं आसता पूल
विश्वासाचो.
अच्छेव कांडटा ही महामारी
दोतोरूच पिडेस्तांक तारी
रात-दीस मोलादीक सेवा करी
कश्ट, त्याग झेलपी झुजारी.
मुकेश थळी
बरो वैज
“वखद कमी
जतनाय चड घे”,
असो सल्लो दिता.
महामारीच्या कठीण प्रसंगार
कांचवेल्ल्यांक दिलो आदार
त्या धीर दिवपी दोतोरांचे उपकार.
कोरोनाचे महामारीन केलो जेन्ना सगळो घात
देव नासलो जमनीर तेन्ना आसली फकत दोतोराची साथ.
शिल्पा लाड
शिमेर दुस्माना आड जवान, हॉस्पिटलांत कोरोना आड दोतोर
लढट्टात दोगूय जिणेची लढाय लोकां वाटोवपा पासत.
शिल्पा लाड
नशीब म्हजें बरें म्हूण
जालों हांव दोतोर
कात्री सुरयां वांगडा खेळचे पडटा
सदांच भर एसी भितर.
शिल्पा लाड
हाडां दुखावलीं जाल्यार दोतोर तुजी याद येता
धोंपरांच्यो वाटयो झरल्यो दोतोर तुजी याद येता
ऍक्सिडण्ट जाल्यार लेगीत दोतोर तुजी याद येता
जिवितांतल्या दर खिणाक दोतोर तुजी याद येता.
शिल्पा लाड
इनेसांव म्हळ्यार भुरग्याक याद जाता सदां दोतोराची
दोतोर दिता अमीश कशें ती मजा आतां पळोवपाची.
शिल्पा लाड