शणै गोंयबाब – Shenoi Goembab
शणै गोंयबाब हांचें पुराय नांव वामन रघुनाथ शणै वर्दे वालावलीकार. तांचो जल्म 23 जून 1877 दिसा दिवचले भितरले पेठेंत जालो.
कोंकणी सयत इंग्लीश, मराठी, संस्कृत भाशांचो तांचो अभ्यास आशिल्लो.
कोंकणी मनश्यांचो स्वाभिमान तांणी जागयलो आनी तांकां स्वभाशे कडेन हाडले. कोंकणी साहित्याचे ते जनक. कोंकणीची गिरेस्त उतरावळ आनी भाशेची सोबीतकाय तांणी लोकांक दाखोवन दिली.
बाल साहित्य, इतिहास, व्याकरण, नाटक, भाशांतर, चरित्र, कविता, कथा अशे वेगवेगळे साहित्य प्रकार तांणी बरयल्यांत.
मुंबय 1942 वर्सा जाल्ले कोंकणी परिशदेच्या तिसर्या अधिवेशनाचे ते येवकाराध्यक्ष आशिल्ले.
तांचे 125 वे जयंती निमतान गोवा कोंकणी अकादेमीन तांच्या समग्र साहित्याची परत उजवाडावणी केली.
9 एप्रील 1946 दिसा तांकां मुंबय मरण आयलें. हो दीस विश्व कोंकणी दीस म्हूण पाळटात.
- ग्रंथ सुची –
- देवनागरी लिपयेंतलीं पुस्तकां
- गोंयकाराचो मुंबैकार (1910)
- गोंयकारांची गोंयाभायली वसणूक (1928)
- गोमन्तोपनिषत् (पयलो खंड) (1928)
- कोंकणी भाशेचें जैत (1930)
- गोमन्तोपनिषत् (दुसरो खंड) (1933)
- भुरग्यांलो इश्ट (1935)
- मोगाचें लग्न (1913, 1938) (अणकारीत नाटक)
- कोंकणी पयलें पुस्तक (1939)
- पुण्यात्मो राम कामती (1939)
- कोंकणी नादशास्त्र (1940)
- भुरग्यांलें व्याकरण (1941)
- आबे फारिया (1941)
- येवकार अध्यक्षालें उलोवप (1945)
- कोंकणी मुळावें पुस्तक (1947)
- पोवनाचें तपलें (1948) (अणकारीत नाटक)
- कोंकणीची व्याकरणी बांदावळ (1949)
- झिलबा राणो (1950) (अणकारीत नाटक)
- आल्बुकेर्कान गोंय कशें जिखलें? (1955)
- कोंकणी विद्यार्थ्यांक (1958)
- श्री भगवंतालें गीत (1959)
- वलीपात्तनाचो सोद (1962)
- जादूचो जुंवो (1968)
- रोमी लिपयेंतलीं पुस्तकां
- शेक्सपियराच्या खेळांचीं माळ
- राजपूत हॅमलेट आनी बापायलें भूत
- गोरे बायलेचो काळो घोव
- मुदयांखातीर घोवा-बायलेचें झगडें
- धुवांची परिक्षा
- जुंवळ्या भावांचो घुस्पा-गोंदळ
- आगुल्ल्याचें निवळण
- राणयेचें जिवें बावलें
- घातमारो इश्ट
- बायलेची परिक्षा
- मोगाचे पिडेचें वखद
- भुस्मारे अलेभाव-कोलेभाव