रागार जाल्ले खातीर तुमकां ख्यास्त मेळची ना पूण रागूच तुमकां दंड दितलो.

– गौतम बुद्ध

म्हज्या अणभवांत, ‘इत्सा’ हें एकूच प्रेरणेचें कारण आसता.  

– जेन स्मायली

भार कमी जावचो म्हणून हांव मागना, हांव म्हजे फाटी खातीर घटाय मागतां.

– फिलीप ब्रूक्स

संकटा वेळार ल्हानांतली ल्हान गजाल म्हत्वाची आसता.

– पंडीत जवाहरलाल नेहरू

दर भुरगें एकूच संदेश घेवन संवसारांत येता – देव अजून मनशाचेर निरशेवंक ना.

– रवींद्रनाथ ठाकूर

जिवीत जगपाचे दोनूच मार्ग आसात.  एक म्हणल्यार घडटा तें कांयच चमत्कार न्हय अशें मानून चलप वा घडटा तें सगळेंच चमत्कार अशें मानप.

– अल्बर्ट आयन्स्टायन

दुसऱ्याचे अणभव जाणून घेवप हो लेगीत एक अणभवूच आसता.

यशस्वी व्यक्ती आनी हेरां मदीं अंतर म्हणल्यार सामर्थ्याची वा गिन्यानाची कमतरताय न्हय, तर इत्शेची कमतरताय.

– व्हिन्सेंट जे. लोम्बार्डी

विज्ञान हें मनीसपणाक मेळिल्ली एक सोबीत देणगी, आमी तें बिगडूंक जायना.

– ए. पी. जे. अब्दुल कलाम

जिणेंत दोन मुळावे पर्याय आसात, एक परिस्थिती आसा तशी मान्य करप आनी दुसरो परिस्थिती बदलपाची जापसालदारकी स्विकारप.

– डॉ. डॅनिस वेटली

नशीब ही संभाव्याची गजाल न्हय; ती निवडीची गजाल. ती वाट पळोवपाची गजाल न्हय; ती साध्य करपाची गजाल.

– विल्यम जेनिंग्ज ब्रायन

अडचणी आसपांत समस्या ना. ‘अडचणी नासच्यो अशी अपेक्षा बाळगून, अडचणी आसप म्हणल्यार समस्या’ अशें मानपांत समस्या आसा.

– थियोडोर रुबिन

आमचें सूख आनी आमची खुशालकाय आमचेरूच निंबून आसता.

– एरिस्टॉटल

टिका आनी विरोध हीं एका समाजसुदारकाक मेळिल्लीं इनामां.

जाणून घेतलें म्हणून जायना; ताचो वापर करूंक जाय. इत्सा आसली म्हणून जायना; कर्म करूंक जाय. 

– गोथा

हेरां परस चड वेळ तिगून उरपाची तुमची तयारीच, तुमची सगळ्यांत मोलादीक संपत्ती थारूं येता.

– ब्रायन ट्रेसी

सुखाचें गुपीत मनशाक आवडटा तें करपांत न्हय, तर करता तें आवडपांत आसा.

– जेम्स एम. बरी

बरीं पुस्तकां नाशिल्लें घर म्हणल्यार एक स्मशान कशें.

– स्वामी विवेकानंद

लोक म्हणटात नातें हें विश्वासाचेर टिकता. पूण नातें हें समोरच्याक मना पसून टिकोवपाचें आसा जाल्यारूच टिकता.

राग मनाची मेणवात पालयता.

– आर. जी. इनगर्सोल

आव्हानां स्विकारात, म्हणटकूच तुमकां जैताचो आनंद जाणवतलो.

– जनरल जॉर्ज एस.

जो मेरेन तुमी यत्न करप बंद करिनात तो मेरेन तुमी केन्नाच अपेशी जावचे नात.

– फ्लॉरेन्स ग्रिफिथ जॉयनर

आपल्या कडेन चुकतलें असो समज सेगीत बाळगप होच मुळांत चुकीचो.

– एल्बर्ट हबार्ड

आकांक्षा, धिटाय, परिश्रम आनी प्रेरणा हांकां लागून मेळपी भाग्य म्हणल्यार येस.

– इव्हान एसार

हांव तुमकां येसस्वी जावपाचें सुत्र दिवंक शकना, पूण अपेसाचें सुत्र दिवंक शकता – तें म्हणल्यार: सगळ्यांक खोशी करपाचो यत्न करप.  

– हर्बर्ट बेयार्ड स्वॉप

सपनां पळोवपी आनी तीं साकार करूंक मोल फारीक करपाची तयार आशिल्लेच खोशी आसात.

– लिओन जे. स्युंस

कांयच पूर्वनिर्धारीत ना: तुमच्या भूतकाळांतलीं आडमेळीं नवे सुरवातीक कडेन वचपी मार्ग थारूं येता.

– राल्फ ब्लम

लोखंड गरम जायसर वाट पळोवची न्हय; गरज आसता तेन्नाच धोडावन गरम करचें.

– विल्यम बी. स्प्राग

शक्यतायेची मर्यादा जाणून घेवपा खातीर एकूच मार्ग, तो म्हणल्यार ताचे भायर अशक्यांत वचप.

– आर्थर सी. क्लार्क

आपणें आस्त बाळगिली ना, जाल्यार आपले आस्तीचे पलतडीं जें आसा, तें आपल्याक सांपडचेंच ना.

– अलेक्झांड्राचे सेंट क्लेमेंट

एकदां एका तरणाट्याक एक व्हड सल्लो दितना हांवें आयकलो, ‘सदांच आपल्याक जें करूंक भंय दिसता, तेंच करचें.’  

– राल्फ वाल्डो इमर्सन

स्वताचेर विश्वास दवरात. तुमकां दिसता ताचे परस चड तुमकां खबर आसता.

– बेंजामिन स्पॉक

जिणेंत मनशाचें मुखेल कार्य म्हणल्यार स्वताक जल्म दिवप, आपली कार्यक्षमता वळखून स्वताक घडोवप. आपल्या प्रयत्नांचें सगळ्यांत म्हत्वाचें फळ म्हणल्यार स्वताचें व्यक्तिमत्व. 

– एरीच फ्रॉम

तुमचे जिणेंतल्या प्रस्नांची जाप, तुमीच.

तशेंच तुमचे जिणेंतल्या आडमेळींतल्यान सुटपाचो मार्गूय तुमीच.  

– जो कॉर्डारे

देशाचे उदरगती खातीर आमी एकामेकां आड झगडचें बदला गरिबी, दुयेंसां आनी अज्ञानता आड लढो दिवंक जाय.

– लाल बहादुर शास्त्री

तुमचें सपन कोणाक चोरूंक दिवं नाकात. तें सपन तुमचें, तांचें न्हय.

– डॅन झद्रा

तुमच्या मुखार कितें आसा आनी फाटल्यान कितें आसा ताचे परस तुमच्या भितर कितें आसा,

तें चड म्हत्वाचें.

– राल्फ वाल्डो इमर्सन

ना म्हणपाचें धाडस बाळगात, सत्याक तोंड दिवपाचें धाडस बाळगात, योग्य ती गजाल करात, कारण तीच करपाची योग्य गजाल. आपलें जिवीत प्रामाणीकपणान जगप होच मूळ आदार.

– डब्ल्यू. क्लेमेंट स्टोन

प्रेरणा ही आंतरीक अग्नी वरी. जर एकाद्र्यान ती भायर सावन दिवपाचो यत्न केलो, जाल्यार ती चड वेळ पेटचीच ना.

– स्टीफन आर. कोवे

संद सुर्योदया सारकी आसता. जर तुमी चड वेळ रावत, जाल्यार तुमकां ती चुकतली.

– विल्यम आर्थर वॉर्ड

सत्य सदांच सत्यूच उरता, तुमकां आवडूं वा न आवडूं.

– जवाहरलाल नेहरू

खंयचेंय काम न जावपा फाटलीं सगळीं कारणां विसरून वचात आनी एक कारण अशें सोदात जाचे वरवीं तें घडूंक शकता.

– डॉ. रॉबर्ट

प्रेरणे विशीं सगळ्यांत म्हत्वाची गजाल म्हणल्यार ध्येय थारावप. तुमचे कडेन सदांच एक ध्येय आसूंक जाय. 

– फ्रान्सी लॅरीयू स्मिथ

तुमचेर हल्लो करपी दुस्मानाक भिवं नाकात, पूण तुमची स्तुती करपी इश्टा पसून सावध रावात.

सुखी जिवीत आनी शांतिपूर्ण समाजाचो सार एकाच वाक्यांत आसा – हांव किदें दिवंक शकता?

– ए. पी. जे. अब्दुल कलाम

प्रेरणेंतल्यान सुरवात जाता, पूण संवय लायली जाल्यारूच एकाद्री गजाल मुखार वता.

– जिम र्युन

हांव करूंक शकतां असो विश्वास आसल्यार, घडये तें जायत. जर म्हजे कडेन जावचें ना असो विश्वास बाळगिल्यार तें जावचेंच ना. ‘विश्वास’ हो एक ‘इग्निशन स्विच’, जो तुमकां लॉचिंग पॅडा वयल्यान वयर मळबांत पावोवंक शकता.

– डॅनिस वेटली

सद्गूण, सदाचार आनी सद्विचार – हे मनशाचे खरे अलंकार

आमचें यश केन्नाच अपेशी थारप ना हातूंत ना, जाल्यार दरेका वेळा अपेशांतल्यान भायर सरून, जैत मेळोवपांत आसा.

– कन्फ्यूशियस

हिंसा आनी असत्या वरवीं लोकांक केन्नाच खरें लोकतंत्र आनी स्वराज्य प्राप्त जावंक शकना.

– लाल बहादुर शास्त्री

कर्म करपाक प्रेरणेची वाट पळोवची न्हय हें आमकां शिकोवपाची गरज आसा. कारण प्रेरणेंतल्यान कर्म घडटलें हाचो नेम ना. पूण कर्मांतल्यान प्रेरणा शेर्त मेळटली. 

– फ्रँक टिबोल्ट

खरो आत्मविस्वास हो आपली तांक आनी मर्यादा स्वताच जाणून घेतल्यार तशेंच स्विकारल्यार येता. ताका कोणाचेच मान्यतायेची गरज नासता.

– जुडिथ एम. बार्डविक

विद्येचो वापर वादा खातीर न्हय तर विकासा खातीर करचो.

जीं पुस्तकां आमकां विचार करूंक लायतात, तीं आमची सगळ्यांत बरी सहाय्यक आसतात.

– जवाहरलाल नेहरू

व्हड गजाली साध्य करूंक फकत कृती केली म्हणून जायना, सपनां लेगीत पळोवंक जाय. फकत येवजण्योच आंखल्यो म्हणून जायना, स्वताचेर विस्वास लेगीत दवरूंक जाय.

– अ‍ॅनातूल फ्रान्स

जो मेरेन म्हाका खात्री आसा, हांव करतां ती कृती योग्य आसा म्हणून, तो मेरेन ती कृतीच म्हाका समाधान दिता.  

– जवाहरलाल नेहरू

फकत फुडाराच्या ध्येया खातीर जगप ही एक सादारण गजाल. संवसारीक जीण दोंगराचे तेंगशेर न्हय तर देंगणांत वसता हें मतींत दवरूंक जाय.

– रॉबर्ट एम. पिरसिग

खंयच्याय मिशनाच्या यशा खातीर रचनात्मक फुडारपणाची खूब गरज आसा.

– ए. पी. जे. अब्दुल कलाम

सकाळीं उठना फुडें हांव स्वताक सांगतां: म्हाका खोशी वा दुख्खी करपाची शक्त आनी अधिकार फक्त म्हजे सरीच आसा आनी तांतलें किदें वेंचपाचें तें हांवूच थारावपाक शकतां. ‘कालचो दीस’ सोंपलो ‘फाल्यांचो दीस’ अजून येवपाचो आसा, म्हज्या हातांत आसा तो फकत ‘आयचो दीस’ आनी हांवें आयज खोशी रावपाचें थारायलां. 

– ग्रॉचो मार्क्स

ह्या संवसारांत म्हान लोक नात, म्हान आसात तीं आव्हानां जांकां तोंड दिवंक ल्हान लोक पेटून उठ्ठात. 

– विलियम फ्रॅडरीक हॅल्सी, ज्युनियर

येस सदांच अपेसाच्या खांब्याचेर उबें रावता. देखून कोणेंच अपेसाक भियेवंक फावना.

– सुभाष चंद्र बोस

कोणाचेंच जिवीत सोंपें ना. तरी आमी जिद्द आनी सगळ्यांत चड स्वताचेर विश्वास दवरूंक जाय. आमचो जल्म एका खासा कारणा खातीर जाला आनी तें साध्य करूंक आमी वावरूंक जाय हाचेर आमी विश्वास दवरूंक जाय. 

– मॅरी क्युरी

स्वताक आव्हान दिवप हें सगळ्यांत म्हत्वाचें. तुमचे कडेन खंयची शक्त आसा, तुमी किदें साध्य करूंक शकता हाचें विशीं तुमकांच अजाप जावंक शकता. 

– सेसिल एम. स्प्रिंगर

स्वता कडेन प्रामाणीक रावात. जरी तुमी स्वताक बदलूंक शकनात जाल्यार समाजाचेर तुमचो कसलोच प्रभाव आसचो ना.

– नेल्सन मंडेला

जिविताची एक मजेदार गजाल; सगळ्यांत उत्कृश्ट सोडून हेर कितेंच मान्य केलें ना, जाल्यार तुमकां तें खूबदां मेळटा.  

– डब्ल्यू. समरसेट मोघम

शांती नासल्यार, सगळीं सपनां तुट्टात आनी नश्ट जातात.

– जवाहरलाल नेहरू

ताकद आनी मजबुती खातीर सगळ्यांत म्हत्वाचें काम म्हणल्यार – लोकां मदीं एकता स्थापीत करप.

– लाल बहादुर शास्त्री

म्हान लोक बसून रावन गजाली घडपाची वाट पळयत रावनात, ते स्वता मुखार सरतात आनी गजालींचेर घडोवन हाडटात, हें म्हज्या लक्षांत आयलां.

– एलिनोर स्मिथ

शिस्त आनी एकचार हें देशाचें बळगें.

– लाल बहादुर शास्त्री

मनशाची जात, रंग वा पंथ खंयचोय आसूं, ताका एक व्यक्ती म्हणून मान दिवंक जाय आनी ताका बऱ्या, पूर्ण आनी समृद्ध जिणेचो हक्क आसा हाचेर आमी विस्वास दवरूंक जाय.

– लाल बहादुर शास्त्री

आनंद पयशांचेर न्हय परिस्थितीचेर अवलंबून आसता

जरी आमी स्वतंत्र नात जाल्यार खंयचीच व्यक्ती आमचो सन्मान करची ना.

– ए. पी. जे. अब्दुल कलाम

प्रत्येक व्यक्ती भितर गुणवत्ता आनी कमतरता दोनूय आसतात. फरक फकत इतलोच, जो पारखून पळयता ताका गुणवत्ता दिसता आनी जो तपासून पळयता ताका कमतरता दिसता.

विकिल्लो पत्रकार, भियेल्लो विपक्ष आनी मेल्लो भौस हें तिनूय लोकतंत्राक धोक्याचें आसा.

– ए. पी. जे. अब्दुल कलाम

शांती जाय आसल्यार प्रसिद्धी पसून पयस रावात.

जाचे भितर विक्षिप्ताय ना तो केन्नाच व्हड जावंक शकना.

– सुभाष चंद्र बोस

कसलोच विचार करिनासतना साथ दिवपी थोडेच जाण आसतात.

हेरां कडेन स्वताची तुळा करीत रावं नाकात, अशें करून स्वताचीच किंमत कमी जाता

येस पयस आसूं येता, पूण तें केन्ना ना केन्ना तरी मेळटा.

– सुभाष चंद्र बोस

अपेशी थारिल्ल्या मनशाक शब्दां परस सांगाताची गरज आसता.

हांव हें करूंक शकना, अशें केन्नाच म्हणूं नाकात. कारण तुमच्या अंतर्मनांत खूब शक्त आसा. हे शक्तीचे मदतीन तुमी अशक्य दिसपी काम लेगीत शक्य करून दाखोवंक शकतात.

– स्वामी विवेकानंद

फकत मनोरंजन हें कवीचें कर्म आसूंक जायना, तातूंत उचीत उपदेशाचो मर्म आसूंक जाय.

– मैथिली शरण गुप्त

विज्ञानाचें तंत्र शिकात पूण जगपाचे मंत्र शेणोवं नाकात.

भंय दोळ्यां सामकार येता त्या दर एका अणभवांतल्यान तुमकां बळगें, धैर्य आनी आत्मविस्वास मेळटा. जें काम करूंक तुमकां भंय दिसता तें तुमी करुंकूच जाय.

– एलेनोर रुझवेल्ट

नम्रतेन जें मेळटलें तें बळान केन्नाच मेळचें ना.

केन्नाच साध्य करूंक नाशिल्ली गजाल साध्य करूंक, तुमी केन्नाच जावंक नाशिल्लो मनीस जावंक जाय.

– ब्रायन ट्रेसी

ज्ञानी व्यक्तीक वचत थंय सन्मान मेळटा.

– सोफोकेल्स

यशस्वी जावंक यशाची जिद्द अपेसाच्या भंया परस चड आसूंक जाय.

– बिल कोस्बी

नर्काचे तीन रस्ते आसात – लोभ, क्रोध, अती आस.

– श्रीमद भगवद गीता

हेरांक सुखी पळोवंक जाय जाल्यार करुणा आपणावची. स्वता सुखी जावपाक जाय जाल्यारूय करुणाच आपणावची.  

– तेन्झिन ग्यात्सो, 14 वो दलाई लामा

मनीस आपल्या मना भितरलो दृश्टीकोन बदलून, जिवितांतल्यो भायल्यो गजाली बदलूंक शकता.

– विलियम जेम्स

सगळ्यांचें आयकात, पूण थोड्यां कडेनच उलयात.

– शेक्सपियर