मधू / मधुश्री देसाय, वयलो वाडो, थिवी, बार्देस हांगा रावता. ह्या वाठारांत उदकाच्या फुटिल्ल्या पायपाची कागाळ करपी आनी ताची दुरुस्ती करपाची विनवणी करपी पत्र बार्देसच्या भौशीक बांदकाम खात्याच्या अभियंत्याक बरोवची.

मधुश्री देसाय,

वयलो वाडो,

थिवी, बार्देस, गोंय.

तारीख – 01/01/2021

सेवेक,

मुखेल अभियंतो,

भौशीक बांदकाम खातें,

बार्देस, गोंय.

विशय – उदकाच्या फुटिल्ल्या पायपाचे दुरुस्ती विशीं.

भोवमानेस्त

नमस्कार

हांव वयलो वाडो थिवी हांगचो निवासी. आमच्या वाड्यार उदकाचें पायप फुटलां. तें दुरुस्त करपाची मागणी करपी चीट तुमकां बरयतां.

फाटले तीन दीस जाले वयलो वाडो वाठारांत चर्ची कडेन उदकाचें पायप फुटलां. ताका लागून उदकाचो इबाड जाता. उदक रस्त्यार पावलां आनी सगळी कडेन रेबो जाला. गरज नासतना उदकाचो इबाड जाता. घरांतल्या नळांक मात उदक कमी येता. एका थारावीक वेळारूच नळाचें उदक येता. ते खातीर नोकरी करपी लोकांचे हाल जातात. दुश्काळांत तेरावो म्हयनो म्हणटात तशे आदींच नळाक उदक कमी आनी तातूंत भर म्हूण उदकाचें पायप फुटलां. उदक फुकट वता तें पळोवन आमकां खूब दुख्ख जाता.

उपकार करून आमची अडचण मतींत घेवची आनी जाता तितले बेगीन पायपाची दुरुस्ती करची आनी गांवच्या लोकांचे उदकां खातीर जावपी हाल थांबोवचे.

बरें मागून.

तुमचें विस्वासू,

-सय-

(मधुश्री देसाय)

Contributed by Poonam Burye